Zeremi 6:23 - Labib An Kreol Seselwa

²³ Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Zeremi 6:23 ပူးပေါင်းရင်းမြစ်များ

Ezai 10:32

Sa menm zour, lennmi pou aret dan lavil Nob i lev koudpwen anler kont montanny Siyon, kont kolin Zerizalenm.

Ezai 13:18

Zot pou zet ater bann zennzan avek zot dart; zot pou san pitye anver bann ti baba; zot pou kriyel anver bann zanfan.

Ezai 17:12

Maler! Tapaz en gran kantite dimoun i parey loraz. Tapaz ki zot fer i parey ronfleman lanmer.

Ezai 19:4

La sa ki Senyer BONDYE, SENYER liniver i deklare: Mon pou livre bann Ezipsyen dan lanmen en met kriyel, en lerwa feros ki pou renny lo zot.

Zeremi 25:32

La sa ki SENYER liniver i deklare: Maler pe tonm lo nasyon apre nasyon. En gro tanpet pe leve, sorti depi dan lot kote later.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Zeremi 4:16

Zot pe vin averti bann nasyon e fer Zerizalenm konnen ki lennmi pe vini, sorti lwen.

Zeremi 4:29

Devan tapaz ki bann kavalye ek bann tirer fles pe fer, bann zabitan pou kit lavil e sove an tayan. En bann pou al kasyet dan lafore, lezot pou al kasyet dan kavern ros. Tou bann lavil pou ganny abandonnen, personn pa pou vin reste la ankor.

Zeremi 5:16

Son bann fles i senm lanmor; i annan bann gerye profesyonnel.

Zeremi 50:41

En pep ki sorti dan Nor pe vini; sa i en gran nasyon avek bann lerwa pwisan.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 6:4

Zot kriye: Debout! Annou prepar nou pour atak Zerizalenm! Annou atak li dan milye lazournen! Me, apre zot pou dir: Domaz! Labrin e fernwanr pe fer. Lazournen pe fini.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.