Zeremi 52:3 - Labib An Kreol Seselwa

³ Zerizalenm ek Zida ti provok lakoler SENYER ziska i ti rezet zot, lwen avek li. Sedesyas ti revolte kont lerwa Babilonn.

Zeremi 52:3 ပူးပေါင်းရင်းမြစ်များ

Zenez 4:14

Ou sas mwan dan sa landrwa, lwen avek ou prezans. Mon pou vin en vagabon. Sa ki zwenn mwan pou touy mwan.”

Zenez 4:16

Alor, Kaen ti sorti dan prezans SENYER. I ti al reste Nod, dan kote Les avek Edenn.

2 Samyel 24:1

SENYER ti pran lakoler kont Izrael. I ti pous David pour fer zot ditor. I ti dir li: Al fer resansman Izrael ek Zida.

1 Rwa 10:9

Loue SENYER, ou Bondye ki'n swazir ou e plas ou lo tronn Izrael! Akoz SENYER i kontan Izrael pour touzour; i'n etabli ou lerwa, pour ki ou azir dapre ladrwatir ek lazistis.”

2 Rwa 17:18

Alor, SENYER ti tre ankoler kont Izrael e ti fer zot disparet devan li; ti reste zis tribi Zida.

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

2 Rwa 17:23

ziska ki SENYER ti fer Izrael disparet devan li, parey i ti'n anonse par lentermedyer son bann serviter, bann profet. Alor, Izrael ti ganny anvoye annegzil Asiri ziska ozordi.

2 Rwa 24:20

Zerizalenm ek Zida ti provok lakoler SENYER, ziska i ti rezet zot lwen avek li. Sedesyas ti revolte kont lerwa Babilonn.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Esdras 4:15

Konmsa, lerwa ava fer verifye dan bann arsiv ou bann zanset. Ou ava war dan sa bann arsiv ki sa lavil in touzour rebel: I pa'n zanmen arete fer bokou ditor bann lerwa ek bann gouverner provens; depi lontan sa lavil i abitye revolte.

Proverb 28:2

Ler i annan bokou dirizan, en pei i revolte, me avek en sef ki annan disernman, lord i rennyen.

Eklezyas 10:16

I en maler pour en pei kan son lerwa i tro zenn e son bann sef i konmans manz depi bomaten.

Ezai 19:4

La sa ki Senyer BONDYE, SENYER liniver i deklare: Mon pou livre bann Ezipsyen dan lanmen en met kriyel, en lerwa feros ki pou renny lo zot.

Ezai 3:1

Aprezan, Senyer, SENYER liniver pou retir dan Zerizalenm e dan Zida tou resours. I pou priv zot avek manze ek delo,

Ezai 36:5

Eski ou krwar ki zis parol i en stratezi ek lafors pour fer lager? Lo lekel ki ou pe met ou konfyans pour ou revolte kont mwan?

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 7:15

Mon pou rezet zot lwen avek mwan, parey mon ti fer avek zot frer, bann zabitan Efraim.