Zeremi 51:41 - Labib An Kreol Seselwa

⁴¹ Ki mannyer i fer ki Babilonn in ganny fer prizonnyen? I ti laglwar lemonn antye; in ganny kaptire. Ki mannyer Babilonn in ganny devaste parmi bann nasyon?

Zeremi 51:41 ပူးပေါင်းရင်းမြစ်များ

2 Kronik 7:21

Kan dimoun ki pas par la, pou war sa tanp ki ti sitan ganny onore pou demande: Akoz SENYER in fer sa avek sa pei ek sa tanp?

Ezai 13:19

Babilonn! Sa pli zoli lavil dan rwayonm, lafyerte bann Babilonyen, pou vin parey Sodonm ek Gomor zour Bondye ti detri zot.

Ezai 14:4

ou ava sant sa sanson lo lerwa Babilonn: Ki'n arive avek sa diktater? Son larogans in disparet? I nepli kapab ensilte?

Zeremi 25:26

tou bann lerwa sorti dan Nor, pros oubyen lwen, enn apre lot, e tou bann rwayonm partou lo later, zot ti bezwen bwar dan sa lakoup. Dernyen dimoun ki ti bwar, ti lerwa Babilonn.

Zeremi 49:25

Sa lavil ki otrefwa ti ere, in ganny abandonnen konpletman.

Zeremi 50:23

Gete! Babilonn ti parey en marto ki ti kraz tou nasyon; Aprezan, in ganny kraze an morso! Koman i fer ki Babilonn en vin keksoz ki fer per tou bann nasyon!

Zeremi 50:46

Kan Babilonn pou ganny kaptire, later pou tranble; son bann apel osekour pour ganny tande parmi bann nasyon.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Ezekyel 27:35

Tou bann zabitan bann zil, zot dan lapenn akoz ou. Zot bann lerwa i dan gran latristes. Lafreyer i marke lo zot figir.

Danyel 2:38

Bondye in met dan ou lanmen tou bann imen, dan nenport landrwa kot zot reste. I'n donn ou dominasyon lo tou bann zannimo sovaz, ek bann zwazo dan lesyel. Ou ki sa latet annor.

Danyel 4:22

Sa pye dibwa se ou, Mazeste, ki'n vin gran e pwisan. Ou pouvwar in ariv ziska lesyel, e ou lotorite ziska dan bout later.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.