Zeremi 51:18 - Labib An Kreol Seselwa

¹⁸ Zot napa okenn valer, zot ridikil. Zour rann kont, zot pou ganny detri.

Zeremi 51:18 ပူးပေါင်းရင်းမြစ်များ

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Zonas 2:8

Bann ki ador bann fo bondye napa sans ganny sove.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 48:7

Moab! Akoz ou ti met ou konfyans dan ou prop lafors e dan ou larises, ou osi, ou pou pri. Kemos pou al annegzil avek son bann pret ek son bann sef.

Zeremi 46:25

La sa ki SENYER liniver, Bondye Izrael i deklare: Mon pou pini Amonn, bondye lavil Teb. Mon pou osi pini Faraon ek tou Lezip antye, son bann bondye e son bann lerwa. Wi! Mon pou pini Faraon e tou sa bann dimoun ki met zot konfyans dan li.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 10:15

Zot napa okenn valer, zot en travay ridikil. Zour zizman, zot pou ganny detri.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Ezai 46:1

Bel in tonm azenou; Nebo in kourbe. Zot bann zidol in ganny met lo ledo zannimo e lo ledo bef. Avan, zot ti fer gran seremoni. Aprezan, zot saroy li lo ledo zannimo ki fatige.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Egzod 12:12

Sa swar, mon pou travers Lezip e mon pou touy tou premye ne dan Lezip, dimoun koman zannimo. Mon pou egzekit zizman lo bann bondye Ezipsyen: Mwan menm SENYER.

Zeremi 10:14

Zot tro bet e zot pa konpran nanryen ditou. Bann fabrikan zidol i kanmi, akoz sa bann stati ki zot fer i fo; zot napa okenn lavi.

Ezai 2:18

Tou bann zidol pou disparet.

Ezai 57:12

Mon pou fer konnen zot swadizan lazistis e zot bann aksyon. Me sa pa pou dan zot lentere.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Ezekyel 6:6

Partou kot zot ete, zot bann lavil pou ganny devaste, landrwa sakre detri, lotel, zidol ek bann brazye lansan kas an morso e tou sa ki zot in fer pou disparet.