Zeremi 4:7 - Labib An Kreol Seselwa

⁷ Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 4:7 ပူးပေါင်းရင်းမြစ်များ

2 Rwa 24:1

Dan sa lepok, Naboukodonozor, lerwa Babilonn ti sorti pour al fer lager. Yoyakim ti anba son pouvwar pandan 3 an. Apre, i ti revolte kont li.

2 Rwa 25:1

Dan nevyenm lannen son renny, dizyenm zour dizyenm mwan, Naboukodonozor, lerwa Babilonn, ti atak Zerizalenm avek tou son bann gerye. I ti anserkle li. Zot ti konstri bann lenstalasyon latak toultour lavil.

Ezai 1:7

Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

Ezai 5:9

La serman ki SENYER liniver ti fer rezonnen dan mon zorey: En kantite sa bann lakaz pour ganny abandonnen. Personn pa pou vin reste dan sa bann gran e zoli lakaz.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Zeremi 22:7

Mon pou anvoy bann zonm detri ou. Sakenn avek son zouti, pou koup ou bann pli zoli pye sed, e zet zot dan dife.

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 26:9

Akfer ou profetize lo non SENYER, konmkwa sa tanp pou fini parey sa enn Silo e ki Zerizalenm pou ganny detri e pa pou reste okenn zabitan? Tou dimoun ti rasanble otour Zeremi dan tanp SENYER.

Zeremi 27:8

Si en nasyon oubyen en rwayonm i refize soumet li anba lerwa Naboukodonozor, lerwa Babilonn; si i refize met son likou anba fardo lerwa Babilonn, alor mon pou pini sa nasyon par lager, lafanmin, lepidemi, ziska ki i ava'n detri li konpletman, SENYER i deklare.

Zeremi 33:10

La sa ki SENYER i deklare: Dimoun i dir ki sa pei, in vin en dezer kot napa personn, ni zannimo ki viv. Annefe, bann lavil Zida e bann lari Zerizalenm i vid; napa personn ki reste, okenn imen, okenn zannimo. Dan sanmenm sa pei ou pou antann ankor

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 4:29

Devan tapaz ki bann kavalye ek bann tirer fles pe fer, bann zabitan pou kit lavil e sove an tayan. En bann pou al kasyet dan lafore, lezot pou al kasyet dan kavern ros. Tou bann lavil pou ganny abandonnen, personn pa pou vin reste la ankor.

Zeremi 44:2

La sa ki SENYER liniver, Bondye Izrael i deklare: Zot menm, zot temwen tou sa bann maler ki mon'n anvoy lo Zerizalenm e lo lezot lavil dan Zida ki ozordi ankor, zot anrin e napa okenn zabitan.

Zeremi 46:18

Mwan, sa lerwa ki apel SENYER liniver, mon deklare: Osi vre ki mon vivan, lennmi pe vini. Osi vre ki montanny Tabor i pli o parmi bann montanny; osi vre ki montanny Karmel i domin lanmer, i pe vini.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Zeremi 50:44

Mon pou vin parey en lyon ki sorti dan brousay, obor larivyer Zourden dan en oazis, SENYER i deklare. Toudenkou, mon pou fer zot sove. Alor, mon pou nonm en sef ki mon ava'n swazir. Annefe, lekel ki kapab konpar li avek mwan? Lekel ki pou al kont mwan? Lekel sa berze ki pou kapab opoz mwan?

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Ezekyel 12:20

Bann lavil kot i annan zabitan pou ganny devaste e pei pou tonm anrin. Alor, zot ava konnen ki mwan menm SENYER.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Ezekyel 32:2

Ou ki en imen, fer en konplent kont Faraon, lerwa Lezip. Dir li: Ou ti pran ou pour en lyon parmi bann nasyon; me ou ti parey en dragon dan lanmer. Ou ti debat dan ou gran larivyer; ou ti brouy delo avek ou lapat e ou ti fer labou.

Danyel 5:19

Akoz sa grander ki Bondye ti'n donn li, tou pep, nasyon tou pei, ki koz diferan langaz, ti tranble devan li. I ti touy sa ki i ti anvi, e les viv sa ki i ti anvi. I ti donn loner sa ki i ti anvi e abes bann ki i ti anvi abese.

Danyel 7:4

Premye bebet ti parey en lyon. I ti annan lezel leg. Pandan ki mon ti pe gete, i ti ganny arase son bann lezel. I ti ganny leve par lao later e i ti debout lo son de lapat deryer parey en imen, e i ti ganny en lespri imen.

Levitik 26:31

Mon pou fer zot bann lavil vin en ta debri, devaste zot bann sanktyer; mon pa pou aksepte loder zot bann lofrann.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.