Zeremi 39:4 - Labib An Kreol Seselwa

⁴ Kan Sedesyas ek son bann gerye ti war sa ki pe pase, zot ti esey sove dan lannwit. An pasan par laport ant sa de miray, zot ti al dan zarden rwayal dan direksyon Araba.

Zeremi 39:4 ပူးပေါင်းရင်းမြစ်များ

2 Kronik 32:5

Avek determinasyon, Ezekyas ti fer rekonstri miray lavil kot ti'n kase. I ti fer konstri bann tour ek en lot miray an deor. Dan lavil David, i ti fer ranforsi miray an deor; i ti fer fabrik en kantite lans ek boukliye.

Ezai 22:11

Ou ti fer en basen ant sa de miray pour anmas delo sorti dan vye rezervwar. Me ou pa'n tourn ou lizye ver sa enn ki'n fer tousala. Ou pa'n mazin sa enn ki'n prepar tousala depi byen lontan.

Ezai 22:3

Tou ou bann sef in sove ansanm; zot ti ganny kaptire san ki ti bezwen tir okenn fles. Tou bann zabitan ki ti pe sove ti ganny fer prizonnyen.

Ezai 29:2

Mon pou kraz ou Ariel. Ou pou konn zis plere ek lamante; ou ava pour mwan parey en lotel kot ou bril sakrifis.

Zeremi 32:4

Sedesyas, lerwa Zida, pa kapab sape anba pouvwar bann Babilonyen; i pou ganny livre dan lanmen lerwa Babilonn. I pou koz avek li an personn e i ava war li fas a fas.

Zeremi 32:5

Sedesyas pou ganny deporte Babilonn kot i pou reste ziska zour mon ava azir an son faver. Menm si ou kontinyen fer lager kont bann Babilonyen, ou pou perdi, SENYER ki deklare.

Ezekyel 12:12

Sa prens ki parmi zot, pou met son bagaz lo son zepol dan fernwanr e sorti; zot ava pers en trou dan miray pour fer li sorti. I ava kouver son figir pour li pa war pei.

Ezekyel 12:4

Ou ava tir ou bagaz kan i ankor lizour, devan zot lizye. Aswar, ou ava sorti devan zot, parey dimoun ki pe al annegzil.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Levitik 26:36

Pour sa bann ki ava'n reste dan pei, mon pou anvoy dekourazman lo zot dan pei zot bann lennmi. Tapaz en fey ki tonbe pou fer zot per. Zot pou sove konmsi zot ti pe sov lennmi. Zot pou tonbe menm si personn pa ti pe pourswiv zot.

Amos 2:14

Menm sa enn ki tay vit pa pou kapab sove; menm bann ki pli for pa pou kapab servi zot lafors; Bann pli bon gerye pa pou kapab sov zot lavi.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.