Zeremi 38:20 - Labib An Kreol Seselwa

²⁰ Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Zeremi 38:20 ပူးပေါင်းရင်းမြစ်များ

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Zeremi 26:13

Aprezan, zot devre sanz zot mannyer viv e zot mannyer fer. Ekout lavwa SENYER zot Bondye. Konmsa, SENYER ava sanz son lide. I pa ava anvoy lo zot sa bann maler ki i ti'n deside kont zot.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

2 Kronik 20:20

Zot ti lev granmaten pour al dan dezer Tekoa. Pandan ki zot ti pe ale, Zozafat ti debout. I ti dir: Ekout mwan, pep Zida ek zabitan Zerizalenm! Met tou zot konfyans dan SENYER zot Bondye e zot ava reste for. Fer konfyans dan bann profet e zot ava ranport laviktwar.

Akt de Zapot 26:29

Pol ti reponn, “Mon priy Bondye ki pa zis ou, me ankor tou sa ki pe ekout mwan ozordi, ava vin parey mwan; san sa lasenn, byen sir.”

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

2 Korentyen 5:11

Akoz nou konnen ki savedir annan respe pour Senyer, nou fer tou pour konvenk dimoun. Me Bondye i konn nou tre byen. Mon espere ki dan zot konsyans, zot osi, zot konn mwan byen.

Zeremi 11:4

Sa i lalyans ki mon ti fer avek zot bann zanset, kan mon ti fer zot sorti Lezip, sa pei ki ti parey en four ki fonn fer. Mon ti dir zot ki si zot obei tou sa ki mon demann zot fer, alor zot ava vin mon pep e mwan, zot Bondye.

Zenez 12:13

Ou ava dir zot ki ou mon ser e zot ava tret mwan byen akoz ou. Alor, akoz ou, mon ava reste vivan.”

Zenez 19:20

Laba i annan en pti lavil ki ase pros pour nou sov nou lavi. Mon pa demann bokou, i en pti lavil kot nou kapab kasyet. Les mwan al laba pour sov mon lavi!”

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 11:8

Me zot pa'n ekoute, zot pa'n obei. Zot in persiste dan zot move mannyer. Alor, mon'n bezwen met an laplikasyon tou bann lartik sa lalyans ki zot pa'n respekte, malgre lord ki mon ti'n donn zot.

Zeremi 38:21

Me si ou refize rann ou lekor, SENYER in fer mwan war dan en vizyon sa ki pou arive:

Proverb 4:4

Mon papa ti ansenny mwan; i ti dir mwan: Gard mon bann parol lo ou leker; obzerv mon bann komannman e ou ava viv.

Proverb 7:2

Gard mon bann komannman e ou ava viv; gard mon lansennyman koman ou kannet lizye.

Amos 5:4

La sa ki SENYER i deklare avek pep Izrael: Swiv mwan, ou ava viv.

Amos 5:6

Swiv SENYER e ou ava viv. Parey en dife, SENYER pou bril desandan Zozef. I pou devor Betel, san ki personn i kapab tenny li.