Zeremi 3:9 - Labib An Kreol Seselwa

⁹ I'n komet adilter avek ros ek pye dibwa, in sali son lekor; in osi sali son pei.

Zeremi 3:9 ပူးပေါင်းရင်းမြစ်များ

Ezai 57:3

Me zot, bann zanfan en fanm sorsye, piti en fanm adilter, en prostitye! Vin isi.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 3:2

Lev ou lizye, get lao: Lo tou sa bann kolin, ou'n fer parey en prostitye. Parey bann bedwen dan dezer ki esper en viktim, ou'n esper ou bann lanmoure lo bor semen. Konmsa ki ou'n rann enpir pei.

Ezekyel 16:17

Ou ti osi servi bizou annor e annarzan ki mon ti'n donn ou e ou ti fabrik bann stati zonm e livre ou avek zot dan prostitisyon.

Ezekyel 23:10

Zot ti tir li touni; zot ti pran son bann garson ek son bann fiy; zot ti touy li avek lepe; zot zizman kont li ti vin en legzanp pour bann fanm partou kot zot ti koze.

Ezekyel 23:21

Ou'n retourn dan limoralite ou lazenes, lepok ki bann Ezipsyen ti tripot ou e kares ou tete zenn fiy.

Ezekyel 23:3

Kan zot ti ankor zenn e pe viv Lezip, zot ti tonm dan prostitisyon. Zot ti les zonm tripot avek zot tete e kares zot lekor zenn fiy.

Oze 2:2

Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Zoel 1:19

Ver ou SENYER, mon pe kriye, zerb ek pye dibwa in sek partou, konmsi en laflanm dife ki'n bril tou.

Habakouk 2:19

Maler lo ou ki dir avek en morso dibwa: Leve e ki dir avek en stati an ros: Reveye! Eski i kapab ansennyen? I en stati kouver avek lor ek larzan, me i napa okenn souf lavi dan li.

Matye 5:32

Me mwan mon dir zot: En zonm ki divors son fanm, sof dan ka ki son fanm in tronp li, i pe pous li pour komet adilter. En zonm ki marye avek en fanm divorse, i osi komet adilter.