Zeremi 3:1 - Labib An Kreol Seselwa

¹ La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 3:1 ပူးပေါင်းရင်းမြစ်များ

Psonm 106:38

Zot ti fer disan inosan koule; disan zot prop garson, zot prop fiy, ki zot ti ofer an loner bann zidol Kanaan; e pei ti ganny sali avek disan.

Ezai 24:5

Bann zabitan in polye later akoz zot in transgres bann lalwa e vyol bann regleman. Zot in kas bann lalyans ki ti devre reste pour touzour.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 2:23

Koman ou kapab oze dir: Mon pa'n fer nanryen ki kapab rann mwan enpir; mon pa'n zanmen ador bann Baal? Gete koman ou'n konport ou dan vale; gete ki ou'n fer. Ou parey en zenn femel samo an sezon ki pe tay taye.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 22:20

Mont Liban e kriye. Fer tande zot lavwa dan pei Basann. Kriye depi lao dan montanny Abarim, akoz tou zot bann zanmi in ganny bate.

Zeremi 3:22

Zot tou bann zanfan rebel ki'n tourn zot ledo kont SENYER, retourn kot li; i ava pardonn zot, zot enfidelite. Zot dir: Wi, nou pe retourn ver ou SENYER, akoz ou menm nou Bondye.

Zeremi 3:9

I'n komet adilter avek ros ek pye dibwa, in sali son lekor; in osi sali son pei.

Zeremi 31:22

Fiy rebel! Pandan konbyen letan ou pou ankor ezite? SENYER in kre en keksoz nouvo lo later: Fanm ki pou fer lakour avek zonm.

Zeremi 4:1

La sa ki SENYER i deklare: Izrael! Si ou retournen, kot mwan ki ou devre retournen. Si ou tir devan mwan sa bann fo bondye degoutan, ou pou nepli bezwen viv koman en vagabon.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Ezekyel 16:26

Ou ti larg ou avek ou bann vwazen Ezipsyen ki ti annan gro lekor, ou ti kontinyen ogmant ou bann aksyon degoutan pour provok mon lakoler.

Ezekyel 16:30

Senyer BONDYE i deklare: Fodre ki ou lespri i vreman malad pour ou fer tousala! Ou ti fer tousala koman en prostitye profesyonnel.

Ezekyel 16:35

Alor prostitye! Ekout parol SENYER:

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 2:2

Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Mise 2:10

Leve e ale! Sa later pa en landrwa repo, akoz zot pese i lakoz soufrans ek destriksyon terib.

Zakari 1:3

Alor, dir zot: La sa ki SENYER liniver i deklare: Retourn kot mwan, SENYER liniver i deklare, e mon ava retourn kot ou, SENYER liniver i deklare.

Matye 5:31

I'n ganny osi dir: En dimoun ki divors son fanm i bezwen donn li en let divors.

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Ziz 19:2

Me sa fanm ti tronp li. I ti kit li e retourn kot son papa, ki ti reste Betlehenm dan Zida, kot i ti reste pandan kat mwan.