Zeremi 22:3 - Labib An Kreol Seselwa

³ Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 22:3 ပူးပေါင်းရင်းမြစ်များ

2 Samyel 23:3

Bondye Izrael in koze; Ros protekter Izrael in dir mwan: Sa enn ki gouvernen bann et imen avek zistis, sa enn ki gouvern avek respe anver Bondye,

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Liv Zob 22:9

Ou'n fer retournen bann vev lanmen vid e ou'n kas lebra bann orfelen.

Liv Zob 24:9

Serten i aras bann orfelen ki ankor pe tete. Zot pran pti baba bann pov koman otaz.

Psonm 68:5

Dan son sanktyer sakre, Bondye i en papa pour bann orfelen e i protez bann vev.

Psonm 82:4

Sov bann pov e bann ki dan bezwen. Delivre zot dan lanmen bann malfeter.

Psonm 94:21

Ki mannyer zot met zot ansanm kont dimoun onnet e kondann anmor en inosan.

Psonm 94:6

Zot touy bann vev ek bann etranze; zot touy bann orfelen.

Egzod 22:21

Fodre pa maltret ni kraz en etranze, akoz zot menm, zot ti bann etranze Lezip.

Egzod 22:22

Ou pa devre maltret en vev, ni en orfelen.

Proverb 23:10

Pa deplas bann vye taso balizaz; pa antre dan propriyete en orfelen,

Proverb 6:17

En regar meprizan, en labous mansonz, lanmen ki fer koule disan inosan;

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 26:16

Bann sef ek lepep ti dir bann pret ek bann profet: Sa zonm in koz lo non SENYER nou Bondye; i pa merit lanmor.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Lamantasyon 3:36

SENYER pa i war, kan dan en zafer ankour, lazistis i ganny fose.

Ezekyel 18:12

i eksplwat bann pov ek bann malere; i vol dimoun; i pa rann sa ki en dimoun in met angaz pour son det; i ador bann zidol e fer toudsort pratik degoutan;

Ezekyel 18:7

I pa abiz lo lezot, me i rann sa ki en dimoun in met angaz pour en det. I pa tronp lezot. I donn manze sa enn ki lafen e lenz sa enn ki touni.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Zoel 3:19

Lezip pou ganny detri; Edonm pou vin en dezer, akoz vyolans ki zot ti fer anver bann zabitan Zida. Zot in fer koule disan bann inosan dan sa pei.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Amos 5:24

Plito, fer lazistis koule parey delo, e ladrwatir parey en larivyer, ki pa zanmen sek!

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

Deterononm 10:18

I defann drwa bann orfelen ek bann vev; i kontan bann etranze, i donn zot manze ek lenz.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 24:7

Si en zonm i ganny atrape pe pran pardfors en lot Izraelit pour fer li vin son lesklav oubyen pour vann li, i ava ganny touye. Konmsa ou ava fer disparet lemal parmi zot.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.