Zeremi 16:6 - Labib An Kreol Seselwa

⁶ Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 16:6 ပူးပေါင်းရင်းမြစ်များ

Deterononm 14:1

Zot en bann zanfan ki pour SENYER, zot Bondye. Alor, si zot an dey, zot pa pou sizle zot lapo, ni raz seve devan zot latet.

Zeremi 47:5

En gran latristes in anvai lepep ki reste Gaza. Zabitan Askelonn nepli oze koze. Ziska kan zot pou sizle zot lekor?

Zeremi 41:5

80 zonm ti arive sorti Sikenm, Silo ek Samari. Zot ti'n raz zot labarb, zot lenz ti desire e zot ti'n sizle zot lekor. Zot ti'n vin avek bann lofrann vezetal ek lansan pour ofer dan tanp SENYER.

Levitik 19:28

Pa fer mark dan zot lapo an siny dey, ni fer okenn tatouaz lo zot lekor. Mwan menm SENYER.

Zeremi 48:37

Zot tou, zot in raz zot latet, koup zot labarb, sizle zot lanmen e zot in met en lenz dey lo zot.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Revelasyon 6:15

Alor, bann lerwa later, bann gran dimoun enportan, bann sef militer, bann ris, bann ki annan pouvwar, e tou dimoun, lesklav ek zonm lib, zot tou, zot ti al kasyet dan kavern ek bann kap ros dan montanny.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 13:13

Alor ou ava dir zot: La sa ki SENYER i deklare: Mon pou soul tou bann zabitan sa pei, ansanm avek bann lerwa ki asiz lo tronn David: Pret, profet ek zabitan Zerizalenm.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Ezai 24:2

Sa pou arive avek tou: Pret koman laik; met koman lesklav; bourzwa koman serviter; vander koman aster; sa ki prete koman preter; sa enn ki andete koman sa enn ki donn kredi.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Amos 6:11

Annefe, SENYER i donn lord: Kraz bann gran lakaz; met an morso bann pti lakaz.

Matye 9:23

Zezi ti ariv dan lakour sa sef. Kan i ti war bann zwer laflit pare pour lanterman, ek lafoul ki ti pe azite,

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Levitik 19:27

Pa koup an ron bor zot seve, ni zot labarb lo kote latanp.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.