Zenez 41:8 - Labib An Kreol Seselwa

⁸ Bomaten, son lespri ti trouble. I ti fer apel tou bann pret, bann mazisyen ek tou bann savan dan Lezip. Faraon ti rakont zot son rev, me ti napa personn ki ti kapab enterprete.

Zenez 41:8 ပူးပေါင်းရင်းမြစ်များ

Zenez 40:6

Kan Zozef ti vin war zot bomaten, i ti remarke ki zot ti byen trakase.

Zenez 40:8

Zot ti dir li, “Nou'n ganny en rev, e napa personn ki kapab donn nou en lenterpretasyon.” Zozef ti dir zot, “Pa Bondye ki donn lenterpretasyon rev? Pa per! Rakont mwan zot rev.”

Zenez 41:15

Faraon ti dir Zozef, “Mon'n ganny en rev, e napa personn pour enterpret mon rev. Mon'n antann dir ki ou kapab enterpret rev.”

Zenez 41:24

Bann zepi meg ti anval sa set zepi ki ti gro e plen. Mon'n rakont mon bann mazisyen, me personn pa'n kapab donn mwan leksplikasyon.”

Zenez 41:7

Bann zepi meg ti anval sa set zepi gro e plen. Faraon ti reveye; i ti'n zis ganny en rev.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Egzod 7:11

Me Faraon ti osi apel son bann saz ek son bann sorsye. Sa bann mazisyen Lezip ti fer parey atraver zot bann pratik sekre.

Egzod 7:22

Me par zot pratik sekre, bann mazisyen ti kapab fer parey. Leker Faraon ti reste andirsi e, parey SENYER ti'n averti, i ti refize ekout zot.

Egzod 8:7

Me bann mazisyen ti kapab fer parey. Gras a zot trik mazik, zot osi, zot ti fer bann grenouy monte partou dan Lezip.

Egzod 9:11

Bann mazisyen ti nepli kapab debout devan Moiz, akoz bann boubou. Annefe, sa bann boubou pa ti zis lo bann mazisyen, me osi partou lo lezot Ezipsyen.

Ezai 19:3

Bann Ezipsyen pou perdi lespri e dekouraze. Mon pou met dezord dan zot plan. Zot pou konsilte bann zidol, bann mazisyen, bann sorsye ek bann deviner.

Ezai 29:14

Alor, mon pou kontinyen etonn sa pep avek ankor bann mervey; par bann aksyon etonan enn apre lot. Bann saz pa pou konpran. Lentelizans bann savan pa pou kapab eksplike.

Ezai 8:19

Si i annan dimoun ki dir ou: Al konsilte bann dimoun mor ek bann lespri ki predir lavenir e rabase, eski i normal pour en pep konsilte son bann bondye ek dimoun mor an faver bann vivan?

Danyel 1:20

Dan tou kestyon ki konsern lasazes ek disernman ki lerwa ti demande, zot ti ganny trouve dis fwa pli siperyer ki tou bann mazisyen ek savan dan son rwayonm antye.

Danyel 4:18

Sa ti rev ki mwan, lerwa Naboukodonozor, mon ti gannyen. Aprezan ou, Beltasar, donn son lenterpretasyon, akoz tou bann savan dan mon rwayonm pa'n kapab dir mwan son lenterpretasyon. Ou, ou kapab, akoz ou posed dan ou, lespri bann bondye sen.

Danyel 4:19

Danyel, ki ti osi apel Beltasar, ti trakase pour en moman. Son panse ti tourmant li. Lerwa ti dir li, “Beltasar, pa les sa rev ek son lenterpretasyon tourmant ou.” Beltasar ti reponn, “Mazeste! Si selman sa rev ti konsern ou bann lennmi, e son lenterpretasyon ti pour ou bann ladverser!

Danyel 4:5

Mon ti ganny en rev ki ti fer mwan per. Bann keksoz ki ti dan mon lespri pandan mon sonmey ek bann vizyon dan mon lespri ti tourmant mwan.

Danyel 4:6

Mon ti donn lord pour anmenn devan mwan, tou bann saz dan Babilonn pour ki zot donn mwan lenterpretasyon sa rev.

Danyel 4:7

Alor, bann saz, bann mazisyen, bann deviner ti vini. Mon ti rakont zot sa rev, me zot pa ti kapab fer mwan konn son lenterpretasyon.

Danyel 5:11

I annan en zonm dan ou rwayonm ki annan lespri parey lespri bann bondye sen. Dan lepok ou papa, sa zonm ti posed konnesans ek lasazes parey lasazes bann bondye. Ou papa, lerwa Naboukodonozor, ti met li sef bann mazisyen, bann savan, ek bann deviner,

Danyel 7:28

Mon vizyon i fini la. Me mwan, Danyel, mon lespri ti bokou trouble; mon ti vin pal e mon ti gard sa bann parol dan mon leker.

Danyel 8:27

Mwan Danyel, mon ti feb e malad pandan plizyer zour. Apre, mon ti leve e repran mon travay kot lerwa. Mon ti reste boulverse akoz sa vizyon; mon pa ti konpran li.

Levitik 19:31

Pa konsilte bann lespri dimoun mor, ni bann lespri divinasyon; pa al rod zot, akoz zot ava rann ou enpir. Mwan menm SENYER zot Bondye.

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Habakouk 3:16

Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

Matye 2:1

Zezi ti ne Betlehenm dan Zide, dan lepok ki Herod ti lerwa. Apre son nesans, bann savan sorti dan Les ti ariv Zerizalenm.

Akt de Zapot 17:18

Serten filozof epikiryen e stoisyen ti vin diskit avek Pol. Serten ti demande, “Ki sa kozer pe rabase?” Lezot ti dir, “I paret ki i pe koz lo bann bondye etranze.” Zot ti dir sa, akoz Pol ti pe pres lo Zezi ek rezireksyon.

Akt de Zapot 7:22

Alor, Moiz ti ganny edike dan tou sa ki bann Ezipsyen ti devre konnen. I ti vin en zonm byen enportan, par parol koman par aksyon.

1 Korentyen 1:19

La sa ki Lekritir in deklare: Mon pou detri lasazes bann saz; mon pou detri disernman bann ki entelizan.

1 Samyel 6:2

Alor, bann Filisten ti apel bann pret ek bann mazisyen. Zot ti demande, “Ki nou pou fer avek Kof SENYER? Dir nou ki mannyer nou pou fer li retourn kot li.”