Zenez 41:34 - Labib An Kreol Seselwa

³⁴ Fodre ki Faraon i swazir bann sef pour met ansarz pei e fer pey en taks, en senkyenm lo tou prodwi Lezip pandan sa set lannen labondans.

Zenez 41:34 ပူးပေါင်းရင်းမြစ်များ

Zenez 41:33

Aprezan, fodre ki Faraon i trouv en zonm avek disernman e saz pour met li ansarz Lezip.

Zenez 41:35

Zot ava rasanble tou prodwi, pandan sa bann bon lannen ki pe vini, e anba lotorite Faraon, zot ava met an rezerv sa bann legren dan bann lavil.

Zenez 47:24

Lo bann rekolt, zot ava donn Faraon en senkyenm parti e leres ava vin pour zot. Zot ava gannyen pour senmen ek dekwa pour manze, pour zot ek zot fanmir.”

Zenez 47:26

Alor Zozef ti fer en lalwa ki ankor egziste ozordi, konmkwa Faraon i resevwar en senkyenm tou rekolt. Zis later bann pret ki Faraon pa ti aste.

2 Kronik 34:12

Bann travayer ti fer en bon travay. Zot ti anba responsabilite levit Yahat ek Abdyas, sorti dan fanmir Merari, Zakari ek Mesoulanm, dan klan bann Kehatit. Ti annan osi lezot levit, ki ti bann bon mizisyen.

Nehemi 11:9

Yoel, garson Zikri ti zot lenspekter; Zida, garson Senoua, ti dezyenm sef dan lavil.

Liv Zob 5:20

Dan lafanmin, i pa pou les ou mor; dan lager i pa pou les ou ganny touye.

Psonm 33:19

pour delivre li dan lanmor e gard li vivan menm dan letan lafanmin.

Proverb 22:3

Ler maler i vini, en zonm pridan i war e i al kasyet; sa enn ki san leksperyans, i fonse e i pey son konsekans.

Proverb 27:12

Ler maler pe vini, sa enn ki pridan i al kasyet; bann inyoran i tanpi, me zot pey ser.

Nonm 31:14

Moiz ti pran lakoler kont sa bann komandan larme: Bann sef 1,000 ek sef 100 ki ti'n retournen sorti lager.

Levanzil dapre Lik 16:5

Alor, i ti apel enn par enn, tou sa bann ki ti dwa son bourzwa. I ti demann avek premye: Konbyen ou dwa mon bourzwa?