Zenez 4:10 - Labib An Kreol Seselwa

¹⁰ SENYER ti dir, “Ki ou'n fer? Disan ou frer pe kriy ver mwan depi later.

Zenez 4:10 ပူးပေါင်းရင်းမြစ်များ

Zenez 18:20

Apre, SENYER ti dir, “Akoz lakizasyon kont Sodonm ek Gomor i gran e zot pese i grav,

Zenez 3:13

SENYER Bondye ti dir avek sa fanm, “Akoz ou'n fer sa?” I ti reponn, “Serpan in anbet mwan e mon'n manze.”

Zenez 9:5

Mon pou demann kont zot disan, ki zot lavi; mon pou demann kont en zannimo ki touy en et imen. Sak et imen ki pran lavi son sanblab devre rann kont.

2 Rwa 9:26

La sa ki SENYER i deklare: Yer mon ti war disan Nabot ek disan son bann garson. Mon pou rann ou laparey dan sa menm porsyon later. Alor, pran li e al zet li dan sa porsyon later, parey SENYER ti dir.”

2 Kronik 28:9

En profet ki ti apel Oded, ti al zwenn larme ki ti pe retourn Samari. I ti dir zot, “SENYER, Bondye ou bann zanset, dan son lakoler kont zabitan Zida in abandonn zot dan ou lanmen. Me ou'n masakre zot avek telman vyolans ki menm lesyel in pran sa an kont.

Liv Zob 16:18

Later! Pa kouver mon disan. Les mwan fer tande mon lavwa.

Liv Zob 24:12

Dimoun dan lavil i plennyen; bann blese pe kriy osekour. Me Bondye pa ekout sa ki zot dir.

Psonm 50:21

Tousala, ou'n fer e oule mon gard silans? Ou ti krwar mon ti parey ou? Aprezan mon denons ou, e mon pou akiz ou anfas.

Psonm 72:14

I ava delivre zot kont lopresyon ek vyolans, akoz zot lavi i annan valer pour li.

Psonm 9:12

Bondye pa oubliy lapenn bann malere. I vanz sa enn ki fer krim.

Psonm 9:13

SENYER! Pran pitye pour mwan. Gete ki mannyer mon bann lennmi pe fer mwan soufer! Zis ou ki kapab delivre mwan dan lanmor,

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Nonm 35:33

Ou pa pou profann pei kot ou pe reste. Annefe, disan i rann enpir pei. Zis disan sa dimoun ki'n touye ki kapab lav disan ki'n rann pei enpir.

Akt de Zapot 5:3

Pyer ti dir li, “Ananyas! Akoz ou'n les Satan pran kontrol ou leker? Ou'n koz manti avek Lespri Sen, an gardan en parti larzan ki ou'n gannyen pour sa propriyete.

Akt de Zapot 5:9

Alor Pyer ti dir li, “Koman zot in kapab deside ansanm pour teste Lespri Senyer? Ekoute, sa bann zonm ki'n anter ou mari in deza arive; zot lanmenm deor, e zot ava anmenn ou osi.”

Deterononm 21:1

Si dan sa pei ki SENYER, ou Bondye pou donn ou pour pran posesyon, en kadav i ganny dekouver dan lakanpanny, e personn pa konnen lekel ki'n touy sa dimoun,

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Zozye 7:19

Alor Zozye ti dir Akan, “Mon garson! Rann glwar SENYER Bondye Izrael e rekonnet ou fot devan li. Dir mwan ki ou'n fer, pa kasyet nanryen avek mwan.”

1 Samyel 13:11

Samyel ti demande, “Ki ou'n fer?” Sail ti reponn, “Mon ti war ki lepep ti pe disperse e pe abandonn mwan; ou pa ti la dan letan fikse; bann Filisten ti'n rasanble Mikmas.