Zenez 3:18 - Labib An Kreol Seselwa

¹⁸ I pou prodwir rons ek pikan e ou ava manz bann plant ki pous dan laplenn.

Zenez 3:18 ပူးပေါင်းရင်းမြစ်များ

Zenez 3:17

Avek Adan i ti dir, “Akoz ou'n ekout ou fanm, ou'n manz fri sa pye dibwa ki mon ti defann ou manze, later pou ganny modi, akoz ou. Ou pou bezwen trimouse tou le zour ou lavi antye pour ou fer li prodwir manze.

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Liv Zob 1:21

I ti dir: Mon'n sorti touni dan vant mon manman e mon ava retourn touni dan vant later! SENYER in donnen e SENYER in repran. Son non i ganny beni!

Liv Zob 31:40

alor, mon demann zarbis pikan pouse dan plas dible, e move zerb dan plas lorz. Sa i bann parol Zob.

Liv Zob 5:5

Dimoun ki pe mor lafen ava manz zot rekolt. Zot ava pran menm sa ki pous dan pikan! Dimoun anvye ava pran tou zot larises.

Psonm 104:2

Lalimyer i anvlop ou parey en dra; ou'n etal lesyel parey en tapi.

Psonm 90:3

Ou fer bann imen retourn dan lapousyer; ou dir zot: Retourn kot ou sorti.

Proverb 22:5

Semen en zonm ki fo i kouver avek bann bison pikan ek bann pyez. Sa enn ki oule protez son lavi, i evit sa semen.

Proverb 24:31

Move zerb ti pe pouse partou, move zerb ti'n kouver later e bann miray ti'n tonbe.

Ezai 32:13

Plere lo later mon pep, kot zis zarbis pikan ki pouse. Plere dan bann lakaz kot dimoun i ere e dan bann lavil ki ti anfet.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 7:23

Sa zour, la kot ti annan en plantasyon rezen, en valer 1,000 pyes larzan, pou annan zis bann zarbis pikan.

Ezai 7:24

Pei antye pour kouver avek zis bann zarbis pikan e dimoun pou fer lasas avek zot fles.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Zeremi 4:3

La sa ki SENYER i deklare avek bann zabitan Zida ek Zerizalenm: Defris en nouvo bout later; aret senm parmi brousay.

Matye 13:7

En lot parti lagrenn ti tonm parmi bann brousay pikan. Sa bann pye pikan ti grandi e touf zot.

Romen 14:2

Serten i krwar ki i kapab manz nenport kwa, tandis ki en lot ki feb, i manz zis legim.

Ebre 6:8

Me si i prodwi zis zarbis pikan ek move zerb, sa later pa vo nanryen. I pou ganny modi par Bondye a ganny detri par dife.

Zozye 23:13

zot ava war ki SENYER, zot Bondye, pa pou kontinyen sas sa bann nasyon devan zot. Zot ava vin en latrap, en pyez, en roten ki pou fwet zot lo zot ledo, e bann pikan dan zot lizye, ziska ki zot ava disparet lo sa bon later ki SENYER, zot Bondye in donn zot.