Zenez 3:16 - Labib An Kreol Seselwa

¹⁶ Apre, SENYER Bondye ti dir avek sa fanm, “Mon pou ogmant ou douler lakousman. Ou pou soufer bokou pour ganny zanfan. Ou pou ganny atire ver ou mari, me i pou domin lo ou.”

Zenez 3:16 ပူးပေါင်းရင်းမြစ်များ

Zenez 4:7

Si ou fer sa ki byen, ou ava refer, si ou pa fer sa ki byen, pese pou dormi devan ou laport. Me ou, fodre ou kontrol li.”

1 Kronik 4:9

Yabes ti ganny pli byen konsidere ki son bann frer; e son manman ti apel li Yabes, dizan: Akoz mon ti soufer bokou.

Ester 1:20

Kan sa deklarasyon enportan ava'n ganny pibliye par lerwa partou dan son gran rwayonm, tou bann fanm ava annan respe pour zot mari, depi pli gran ziska pli pti.”

Psonm 48:6

Zot ti tranble parey en fanm dan douler lanfantman;

Ezai 13:8

Dimoun pou per. Soufrans atros pou anvai zot. Zot pou ganny douler parey en fanm dan lakousman. Efare, zot pou get kanmarad avek etonnman. Zot figir pou vin rouz.

Ezai 21:3

Pour sa rezon ki mon leren i fer mal; douler in pran mwan parey douler lakousman. Mon tro dekouraze pour mwan tande. Mon tro per pour mwan gete.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Zeremi 13:21

I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 22:23

Ou pou viv trankilman dan lakaz fer avek dibwa sed sorti Liban, ler soufrans pou sezi ou. Ou pou kriye parey en fanm dan douler lakousman.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 49:24

Zabitan Damas in perdi kouraz e zot in sove dan lafreyer. Zot dan langwas ek douler, parey en fanm ki dan douler lanfantman.

Zeremi 6:24

Bann zabitan Zerizalenm ti dir: Kan nou ti antann sa nouvel, nou ti perdi kouraz, nou lagorz ti sere. Nou ti soufer parey en fanm ki pe akouse.

Nonm 30:13

En mari i annan tou drwa mentenir oubyen anil nenport ve oubyen langazman ki son fanm in fer.

Levanzil dapre Zan 16:21

Kan en fanm pe al akouse, i enkyet akoz son ler in arive. Me kan son baba in fini ne, i oubliy son douler, akoz i dan lazwa pour sa zanfan ki i'n met omonn.

1 Korentyen 11:3

Sepandan, mon oule ki zot konpran ki Kris i sef tou zonm, ki en mari i sef son fanm e ki Bondye i sef Kris.

1 Korentyen 14:34

fodre ki bann fanm i gard silans dan Legliz: Zot pa ganny drwa koze, me zot devre soumet parey Lalwa i demande.

1 Korentyen 7:4

En fanm napa drwa fer sa ki i oule avek son lekor: I pour son mari. Demenm, en mari napa drwa fer sa ki i oule avek son prop lekor: I pour son fanm.

Kolosyen 3:18

Fanm! Soumet zot avek zot mari parey fodre devan Senyer.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

1 Timote 2:13

Annefe, Adan ti ganny kree premye, apre ki Ev in vini.

1 Timote 2:15

Sepandan, bann fanm pou ganny sove par vin manman, a kondisyon ki zot persevere dan lafwa, lanmour, lasentete e viv senpleman.

Let Pol pour bann Tit 2:5

Zot devre osi senp e pir, byen tenir zot, konn byen okip zot lakour, bon e obeisan anver zot mari, pour ki personn pa kritik Parol Bondye.