Zenez 2:9 - Labib An Kreol Seselwa

⁹ SENYER Bondye ti fer pouse tou kalite zoli pye dibwa; zot fri ti bon pour manze. Dan milye zarden, i ti plas pye dibwa ki donn lavi e pye dibwa ki donn konnesans lebyen ek lemal.

Zenez 2:9 ပူးပေါင်းရင်းမြစ်များ

Zenez 2:17

me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Zenez 3:22

Apre, SENYER Bondye ti dir, “Zonm in vin parey nou avek konnesans lebyen ek lemal. Fodre anpes li manz fri sa pye dibwa ki donn lavi, sankwa i pou viv pour touzour.”

Zenez 3:24

Apre ki i ti'n sas zonm, SENYER Bondye ti plas bann seriben dan lantre zarden Edenn avek en lepe laflanm ki ti dous dan tou kote, pour zot gard lakse ki al kot sa pye dibwa ki donn lavi.

Zenez 3:3

Me kanta fri sa pye dibwa ki dan milye zarden, Bondye in dir: Pa manz li, pa ni tous li, sankwa ou pou mor.”

Zenez 3:5

Bondye i konnen ki letan zot pou manz sa fri, zot lizye pou ouver, zot pou vin parey Bondye, e zot pou konn lebyen ek lemal.”

Proverb 11:30

Fri en dimoun ki zis, i parey en pye dibwa ki donn lavi; me vyolans i fini par pran lavi.

Proverb 3:18

Pour sa enn ki sezi li, lasazes i en pye dibwa ki donn lavi; sa enn ki gard li byen, i ganny deklare byennere.

Ezai 44:25

Mon defet siny bann ki vantar e fer bann deviner derezonnen e rann zot konnesans bet.

Ezai 47:10

Ou annan konfyans dan ou bann move pratik e ou mazinen: Personn pa war mwan. Ou swadizan lasazes ek ou konnesans in anmenn ou lo move semen e ou ti dir dan ou leker: Mwan ki la; napa koman mwan!

Ezekyel 31:16

Mon'n fer tranble tou bann nasyon avek tapaz sa pye dibwa ler in tonbe, kan mon'n fer li desann dan lemonn lanmor, avek bann ki desann dan latonm. Tou bann pli zoli pye dibwa dan Edenn, bann ki ti pli byen aroze dan Liban, in selebre dan lemonn lanmor.

Ezekyel 31:18

Dan Edenn, napa pye dibwa ki ti konparab avek ou labote ek ou grander. Pourtan, ou osi, ou'n desann avek zot dan lemonn lanmor. Ou pou dormi ansanm avek bann ki pa'n sirkonsi, avek bann ki'n ganny masakre. La sor Faraon, lerwa Lezip ek tou son pep. Senyer BONDYE ki deklare.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Levanzil dapre Zan 6:48

Mwan menm dipen ki donn lavi.

1 Korentyen 8:1

Lo size lavyann ki'n ganny ofer avek zidol, i vre ki parey zot dir, nou tou, nou annan konnesans. Me sa konnesans i fer nou vin vantar, tandis ki lanmour i konstri lakominote.

Deterononm 6:25

Nou ava ganny konsidere zis, si nou met an pratik tou bann komannman ki SENYER, nou Bondye in ordonn nou.

Revelasyon 2:7

Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.