Zenez 17:7 - Labib An Kreol Seselwa

⁷ “Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Zenez 17:7 ပူးပေါင်းရင်းမြစ်များ

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Zenez 17:13

Tou sa ki'n ne dan ou lakaz oubyen ki'n ganny aste avek ou larzan, i devre ganny sirkonsi. Mon lalyans dan ou laser ava en lalyans pour touzour.

Zenez 17:19

Bondye ti dir, “Non, pa sa! Sara ou fanm ki pou donn ou en garson, e ou ava apel li Izaak. Mon pou etabli mon lalyans avek li koman en lalyans ki pou dire pour touzour atraver son desandans apre li.

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 28:13

SENYER ti pe debout devan li. I ti dir li, “Mwan menm SENYER, Bondye Abrahanm ou papa e Bondye Izaak. Mon pou donn ou ek ou desandans sa later kot ou pe dormi.

Zenez 6:18

Mon pou etabli mon lalyans avek ou; ou ava antre dan lars ou, ou bann garson, ou fanm ek bann fanm ou bann garson.

Zenez 9:16

Kan mon ava war en larkansyel aparet dan nyaz, mon pou rapel lalyans permanan ant Bondye ek tou bann et vivan lo later.”

2 Samyel 7:24

Ou'n etabli Izrael, ou pep pour li vin ou pep pour touzour, e ou SENYER, ou'n vin son Bondye.

1 Kronik 16:13

Desandans son serviter, Izrael son serviter, bann garson Zakob, ki i'n swazir!

1 Kronik 16:14

Se li SENYER, nou Bondye; i egzers son zizman lo later antye.

Psonm 81:10

Mwan menm SENYER ou Bondye ki ti fer ou sorti dan pei Lezip. Ouver gran ou labous e mon ava donn ou manze.

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Egzod 3:6

I ti azoute, “Mwan menm Bondye ou papa, Bondye Abrahanm, Bondye Izaak e Bondye Zakob.” Moiz ti kouver son figir akoz i ti per pour regard Bondye.

Egzod 6:4

Mon ti osi etabli mon lalyans avek zot, pour donn zot pei Kanaan, sa pei kot zot ti viv koman etranze.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Zeremi 31:1

La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Ezekyel 28:26

Zot ava viv dan sekirite. Zot ava konstri zot lakaz; plant rezen. Zot pou viv an sekirite ler mon egzekit mon zizman lo bann pep dan zalantour, ki'n mepriz zot. Alor, zot ava konnen ki mwan menm SENYER zot Bondye.

Levitik 11:45

Mwan menm SENYER ki ti fer zot monte sorti Lezip, pour ki mon vin zot Bondye. Zot ava sen akoz mwan, mon sen.

Levitik 25:38

Mwan menm SENYER zot Bondye ki'n fer zot sorti Lezip pour donn zot later Kanaan, pour mwan vin zot Bondye.

Levitik 26:12

Mon pou mars parmi zot; mon pou vin zot Bondye e zot ava vin mon pep.

Levitik 26:44

Malgre tousala, mon pa pou rezet zot, ni ay zot e detri zot konpletman, ni kas mon lalyans avek zot, ler zot ava dan pei zot lennmi. Annefe, mwan menm SENYER zot Bondye.

Levitik 26:45

Mon pou rapel mon lalyans ki mon ti fer avek zot bann zanset ler zot ti sorti Lezip, anba lizye bann nasyon, pour mwan vin zot Bondye. Mwan menm SENYER.

Levitik 26:9

Mon pou pran swen avek zot. Mon pou donn zot bokou zanfan e fer zot popilasyon ogmante; mon pou gard mon lalyans avek zot.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Matye 22:32

Mwan menm Bondye Abrahanm, Bondye Izaak e Bondye Zakob. Bondye pa Bondye bann mor, me Bondye bann vivan.”

Mark 10:14

Kan Zezi ti war sa, i pa ti kontan. I ti dir avek son bann disip, “Les bann zanfan vin kot mwan, pa anpes zot, akoz Rwayonm Bondye i pour sa bann ki resanble zot.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Deterononm 29:13

i etabli ou ozordi koman son pep e li menm i ava vin ou Bondye. Sa, i ti promet par en serman ki i ti fer avek ou bann zanset Abrahanm, Izaak ek Zakob.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Ebre 8:10

Aprezan, la lalyans ki mon pou fer avek pep Izrael: Apre sa bann zour, Senyer ti deklare, Mon pou met mon bann lalwa dan zot lespri. Mon pou ekri li dan zot leker, mon pou vin zot Bondye, e zot ava vin mon pep.

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.