Zenez 17:1 - Labib An Kreol Seselwa

¹ Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Zenez 17:1 ပူးပေါင်းရင်းမြစ်များ

Zenez 12:1

SENYER ti dir Abranm, “Kit ou pei, ou fanmir e lakaz ou papa e al dan sa pei ki mon pou montre ou.

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 16:16

Abranm ti annan 86 an kan Agar ti donn nesans Ismael pour li.

Zenez 18:1

SENYER ti aparet avek Abrahanm parmi bann gran pye dibwa sakre Manmre. Abrahanm ti pe asiz devan son latant, dan lasaler lazournen.

Zenez 18:14

Eski i annan keksoz ki enposib pour SENYER? Lannen prosenn, kan letan in bon, mon pou retournen, e Sara ava ganny en garson.”

Zenez 24:40

I ti dir mwan, “SENYER, devan ki mon marse, pou anvoy son lanz avek ou e fer ou reisi dan ou vwayaz. Ou ava swazir en fanm pour mon garson parmi mon fanmir, e fanmir mon papa.

Zenez 26:2

SENYER ti aparet avek Izaak. I ti dir li, “Pa al Lezip. Reste dan sa pei ki mon pou montre ou.

Zenez 28:3

Bondye Toupwisan ava beni ou e donn ou bokou zanfan, pour ki ou ava vin en gran pep.

Zenez 35:11

Bondye ti dir li: Mwan menm Bondye Toupwisan. Ou pou ganny bokou zanfan; ou desandans pou ogmante. Ou pou vin papa en nasyon e en group nasyon. Pou osi annan lerwa parmi ou desandans.

Zenez 43:14

Mon swete ki Bondye Toupwisan i tous leker sa zonm e ki i ava pran pitye pour zot. I ava les zot lot frer ek Benzamen retournen. Kanta mwan, si fodre perdi ankor mon bann zanfan, i ava konmsi mon ti napa zot.”

Zenez 46:3

Bondye ti dir li, “Mwan menm Bondye, Bondye ou papa. Pa per pour desann Lezip, akoz mon pou fer ou vin en gran nasyon laba.

Zenez 48:15

Apre, i ti beni Zozef: Bondye, ki mon papa Abrahanm ek Izaak ti servi, Bondye ki'n mon berze pandan tou sa letan ziska ozordi!

Zenez 48:3

Zakob ti dir Zozef, “Bondye Toupwisan in aparet avek mwan Louz, dan pei Kanaan e in beni mwan.

Zenez 5:22

Apre nesans Matousalenm, Henok ti viv e mars avek Bondye ankor 300 an. I ti ganny ankor lezot garson ek fiy.

Zenez 5:24

I ti mars avek Bondye tou son lavi e apre i ti disparet, akoz Bondye ti pran li.

Zenez 6:9

La lalis bann desandan Noe. Dan zenerasyon sa lepok, Noe ti en zonm zis e san repros. I ti mars avek Bondye.

1 Rwa 2:4

Alor, SENYER ava realiz son promes anver mwan, ler i ti dir: Si ou desandan i fer atansyon dan son konportman, e mars devan mwan lwayalman e avek fidelite, avek tou son leker, ou pa pou zanmen mank sikseser lo tronn Izrael.

1 Rwa 3:6

Salomon ti dir, “SENYER, ou'n toultan montre ou gran fidelite anver ou serviter, mon papa David, akoz in servi ou avek fidelite, lazistis e drwatir, e ou, ou'n gard ou gran fidelite anver li. Ou'n donn li en garson ki pe asiz lo son tronn ozordi.

1 Rwa 8:25

Aprezan SENYER, Bondye pep Izrael! Akonpli osi sa ki ou'n promet ou serviter, mon papa David, ler ou ti dir li: Si ou bann garson i kondwir zot byen e mars devan mwan parey ou, ou'n marse, i pa pou zanmen mank enn ou desandans devan mwan lo tronn Izrael.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

Liv Zob 11:7

Eski ou kapab sonn profonder Bondye? Eski ou kapab konn grander Bondye liniver?

Psonm 115:3

Nou Bondye i dan lesyel; i fer tou sa ki fer li plezir.

Psonm 116:9

Alor, mon ti kapab mars dan prezans SENYER, lo later bann vivan.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Egzod 6:3

Mon ti aparet avek Abrahanm, Izaak ek Zakob koman Bondye Toupwisan, me mon pa ti fer zot konn mwan par mon non: SENYER.

Proverb 10:9

Sa enn ki viv onnetman i mars an sekirite; me sa enn ki swiv move semen pou ganny pini.

Ezai 38:3

SENYER! Mon enplor ou! Pa oubliy mwan, e ki mannyer mon'n mars devan ou avek lwayote e avek en leker senser, e fer sa ki drwat devan ou. Apre, Ezekyas ti plere amerman.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Nonm 24:16

Parol en zonm ki antann Parol Bondye, ki konn plan Bondye Toupwisan, ki war sa ki Bondye i montre li, ki prosternen e ki war vizyon.

Matye 19:26

Zezi ti get zot. I ti dir, “Pour en zonm, sa i enposib; me pour Bondye tou i posib.”

Matye 5:48

Zot alor, zot devre parfe parey zot Papa ki dan lesyel i parfe.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Akt de Zapot 23:1

Pol ti fikse bann manm konsey. I ti dir, “Mon bann frer! Dan mon lavi antye, mon'n viv avek en konsyans trankil devan Bondye, ziska ozordi.”

Akt de Zapot 24:16

Pour sa rezon, mon fer touzour tou mon posib pour annan en konsyans kler devan Bondye e devan tou dimoun.

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 18:13

Ou devre reste touzour lwayal anver SENYER, ou Bondye.

Deterononm 30:20

Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.

Filipyen 4:13

Mon kapab fer fas avek tou difikilte gras a Kris ki donn mwan lafors.

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.