Zenez 1:12 - Labib An Kreol Seselwa

¹² Later ti prodwir verdir: Bann plant avek lagrenn dapre sak lespes, e bann pye dibwa ki aport fri avek lagrenn ladan dapre sak lespes. Bondye ti war ki sa ti bon.

Zenez 1:12 ပူးပေါင်းရင်းမြစ်များ

Zenez 1:11

Apre, Bondye ti dir: Later ava prodwir verdir, bann plant ki annan lagrenn dapre sak lespes, bann pye dibwa ki aport fri avek lagrenn ladan dapre sak lespes! Sa ti arive.

Zenez 1:13

Aswar ti fer e bomaten ti arive. Sa ti trwazyenm zour.

Psonm 104:14

Ou fer zerb pouse pour nouri betay; ou fer pouse bann plant pour imen ganny dekwa manze:

Ezai 61:11

Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

Mark 4:28

Par li menm, later i prodwi larekolt: Dabor son tiz, answit zepi ver e anfen lagrenn ki byen formen dan zepi.

Levanzil dapre Lik 6:44

Ou rekonnet en pye dibwa par son fri. Ou pa rekolte fig lo zarbis pikan, ni rezen lo rons.

2 Korentyen 9:10

Bondye ki fourni senmer avek lagrenn, e ki donn dipen ki nouri li, ava fourni zot avek bann lagrenn ki zot bezwen. I ava fer zot pouse e ogmant zot rekolt, fri zot zenerozite.

Galat 6:7

Pa bezwen tronp ou lekor: Personn pa kapab provok Bondye. Dimoun i rekolte sa ki i'n senmen.

Ebre 6:7

Kan later i abzorb lapli ki tonm souvan, i prodwi bann plant ki itil pour en kiltivater. Bondye i beni sa later.