Psonm 72:7 - Labib An Kreol Seselwa

⁷ Lazistis ava fleri pandan son renny. Lape ava dire osi lontan ki lalin i briye.

Psonm 72:7 ပူးပေါင်းရင်းမြစ်များ

1 Rwa 4:25

Bann zabitan Zida ek pep Izrael antye ti viv dan sekirite depi Dann ziska Berseba, sakenn anba son prop pye rezen ek son prop pye fig pandan renny Salomon antye.

1 Rwa 5:4

Aprezan SENYER, mon Bondye, in akord mwan lape lo tou frontyer; mon nepli annan ni lennmi, ni maler.

Psonm 92:12

Sa enn ki obei Bondye i grandi parey en pye palm; i pouse parey en pye sed dan Liban.

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Ezai 60:1

Zerizalenm! Leve! Briye! Akoz ou lalimyer in arive e laglwar prezans SENYER in leve lo ou.

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Akt de Zapot 4:32

Tou bann krwayan ti annan en sel leker ek en sel lespri. Personn pa ti apel sa ki i annan son byen personnel, me zot ti partaz ant zot, tou sa ki zot ti posede.