Psonm 7:8 - Labib An Kreol Seselwa

⁸ SENYER! Ou ki ziz bann nasyon, rann zizman dan mon faver dapre mon lentegrite.

Psonm 7:8 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Zenez 31:53

Bondye Abrahanm e Bondye Nahor, ki osi Bondye zot papa, ava ziz ant ou ek mwan.” Alor, Zakob ti fer serman devan Bondye Izaak son papa.

2 Kronik 20:12

Nou demann ou, nou Bondye: Pa in ler pour ou etabli lazistis kont zot? Nou santi nou, feb devan sa gran larme ki pe vin atak nou, nou pa konnen ki nou pou fer, me nou lizye i reste fikse lo ou.

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 25:21

Mon kont lo ou; gard mwan san repros e touzour onnet.

Psonm 26:1

SENYER! Deklar mwan inosan. Mon'n anmenn en lavi san repros. Mon'n met mon konfyans dan SENYER. Mon pa pou tonbe.

Psonm 26:11

Mon'n anmenn en lavi san repros. SENYER! Delivre mwan. Pran pitye pour mwan.

Psonm 41:12

Ou'n sekour mwan, ou'n redonn mwan lasante e ou'n gard mwan dan ou prezans pour touzour.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

Psonm 78:72

David ti pran swen son pep avek gran ker; i ti gid zot avek en lanmen abil.

Psonm 82:1

Bondye i pran son plas dan lasanble bann bondye dan lesyel. I ziz zot:

Psonm 9:8

I pou ziz lemonn avek lazistis; i pou ziz bann pep avek drwatir.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Proverb 19:1

Vomye en pov ki viv onnetman, ki en ipokrit ki bet.

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

1 Tesalonisyen 2:10

Zot temwen, e Bondye osi, ki nou konportman anver zot bann krwayan ti pir, zis e san repros.