Psonm 7:6 - Labib An Kreol Seselwa

⁶ Dan ou lakoler, leve SENYER! Debout kont lakoler mon bann lennmi! Sov mwan, ou ki rann lazistis!

Psonm 7:6 ပူးပေါင်းရင်းမြစ်များ

2 Samyel 17:14

Absalon ek tou Izraelit ki ti la, ti dir, “Konsey Housai i pli bon ki pour Ahitofel.” SENYER ti'n deside pour fer tonbe tou bon konsey Ahitofel, e konmsa anmenn maler lo Absalon.

Psonm 103:6

SENYER i azir avek lazistis; i defann drwa bann ki ganny abize.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 143:3

Mon bann lennmi i pourswiv mwan. Zot in kraz mon lavi ater e zot in fer mwan asiz dan fernwanr parey dimoun ki'n mor depi lontan.

Psonm 3:7

Leve SENYER! Mon Bondye! Sov mwan. Ou kalot mon bann lennmi lo zot lazou; ou kas ledan mon bann malfeter.

Psonm 35:1

SENYER! Akiz sa bann ki akiz mwan. Atak sa bann ki atak mwan.

Psonm 35:23

Leve SENYER! Vin defann mon drwa. Debout mon SENYER, mon Bondye! Vin defann mwan.

Psonm 44:23

SENYER! Leve! Akoz ou dormi? Sorti dan ou sonmey! Pa rezet nou pour touzour!

Psonm 44:26

Leve! Vin sekour nou! Delivre nou akoz ou fidelite.

Psonm 59:5

Ou SENYER, Bondye liniver, ou menm Bondye Izrael! Leve pour pini tou bann nasyon. Pa pran pitye pour okenn sa bann tret.

Psonm 73:20

Ler ou leve SENYER, zot in disparet parey ler ou sorti dan en rev.

Psonm 74:3

Vin kot sa bann ki'n ganny detri pour touzour. Lennmi in demoli tou sa ki ti dan ou tanp.

Psonm 78:65

Apre sa, SENYER ti leve konmsi sorti dan en sonmey, parey en gerye ki ti'n bwar tro diven.

Ezai 3:13

SENYER in pare pour zizman. In debout pour li ziz lepep.

Ezai 33:10

SENYER i deklare: Aprezan mon pou azir, aprezan mon pou leve, mon pou montre mon grander.

Ezai 37:20

Aprezan, SENYER nou Bondye, sov nou dan lanmen Senakerib; konmsa, tou bann rwayonm lo later ava konnen ki ou tousel ki SENYER.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?