Psonm 7:17 - Labib An Kreol Seselwa

¹⁷ Mon pou remersye SENYER akoz i zis. Mon pou loue non SENYER Treo.

Psonm 7:17 ပူးပေါင်းရင်းမြစ်များ

Psonm 9:2

Mon pou rezoui dan lazwa, mon pou loue ou non, Bondye Treo!

Psonm 98:2

SENYER in fer konn son laviktwar; in revel son lazistis devan tou bann nasyon.

Psonm 111:3

Akoz i fer konnen son loner ek son mazeste, i reste touzour fidel.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Psonm 92:8

Me ou lao! Ou SENYER pour touzour.

Psonm 35:28

Alor, mon pou fer konnen koman ou fidel. Mon labous ava proklanm ou lazistis tou le zour.

Akt de Zapot 7:48

Me parey profet i deklare, Bondye ki dan lesyel, pa reste dan lakaz konstri par zonm:

Psonm 51:14

Mon Bondye! Sov mon lavi. Mon Bondye! Ou menm mon liberater. Alor, dan lazwa, mon ava proklanm ou delivrans.

Psonm 145:7

Zot pou selebre ou gran labonte. Zot pou sant byen for ou lazistis.

Psonm 92:1

I bon pour remersye SENYER, e sant pour ou non, Bondye Treo!

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Ziz 9:24

Annefe, ti fodre ki sa vyolans fer kont sa 70 zanfan Yeroub-Baal e zot disan i retonm lo Abimelek, zot frer ki ti'n touy zot, e lo bann dimoun enportan dan Sikenm ki ti'n donn li en koudmen pour touy son bann frer.

Ziz 9:57

Bondye ti osi fer bann zabitan Sikenm, peye pour tou zot bann mesanste. Konmsa, malediksyon Yotanm, garson Yeroub-Baal, ti realize.

2 Samyel 3:29

Zoab avek son fanmir ava responsab, e port son konsekans. Mon demande ki i ava touzour annan dan sa fanmir bann zonm ki ganny maladi movez mal, oubyen lalep, bann zonm fanm, ou ki mor par lepe, ou ki soufer lafen.”

1 Rwa 2:32

SENYER ava fer li anmenn responsabilite son akt kriminel. San ki mon papa David ti konnen, i ti atak e touy de zonm, meyer ki li: Abner, garson Ner, komandan larme Izrael, ek Amasa, garson Yeter, komandan larme Zida.

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

Psonm 140:10

Fer bann labrez sarbon tonm lo zot e fer zot ganny zete dan dife kot zot pa pou kapab sorti.