Psonm 4:1 - Labib An Kreol Seselwa

¹ Mon Bondye ki zis! Reponn mwan ler mon kriy ver ou. Soulaz mwan ler mon dan detres. Pran pitye pour mwan, ekout mon lapriyer.

Psonm 4:1 ပူးပေါင်းရင်းမြစ်များ

Liv Zob 36:16

Bondye in osi tir ou dan maler, e in donn ou tou sa ki ou ti bezwen. Ou latab ti garni avek bann bon pla.

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 116:16

SENYER! Mon ou serviter. Mon ou serviter, garson ou servant. Ou'n delivre mwan dan mon bann lasenn.

Psonm 116:6

SENYER i protez dimoun ki senp; ler mon ti feb, i ti vin sov mwan.

Psonm 119:132

Get mwan e pran pitye pour mwan, parey ou abitye fer pour sa bann ki kontan ou non.

Psonm 143:2

Pa ziz ou serviter, akoz napa personn ki zis devan ou.

Psonm 17:6

Mon apel ou, mon Bondye, akoz mon konnen ki ou pou reponn mwan. Donn mwan ou latansyon, ekout mon lapriyer.

Psonm 22:1

Mon Bondye! Mon Bondye! Akoz ou'n abandonn mwan? Akoz ou reste sitan lwen avek mwan? Akoz ou pa ekout mon lapel?

Psonm 24:5

I pou ganny benediksyon SENYER e rekonnet koman zis devan Bondye son Sover.

Psonm 25:16

Tourn ver mwan SENYER! Pran pitye pour mwan, akoz mon tousel e mon malere.

Psonm 31:8

Ou pa'n livre mwan dan lanmen mon lennmi. Ou'n rann mwan lib.

Psonm 41:12

Ou'n sekour mwan, ou'n redonn mwan lasante e ou'n gard mwan dan ou prezans pour touzour.

Psonm 42:1

Mon soupir apre ou, mon Bondye, parey en serf i rod en sours delo.

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 56:1

Mon Bondye! Pran pitye pour mwan; dimoun pe pourswiv mwan. Tou le zour zot atak mwan e zot kraz mwan.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Psonm 6:1

SENYER! Ou ankoler kont mwan; me pa pini mwan. Ou fatige avek mwan; me pa pini mwan.

Psonm 67:1

Bondye! Akord nou ou lagras e beni nou. Fer ou vizaz briy lo nou!

Psonm 76:1

Bondye i renonmen dan Zida. Son non i gran dan Izrael.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Habakouk 3:19

BONDYE i mon Senyer, li menm mon lafors: I rann mon lipye parey lipye gazel; i fer mwan taye e sote lo bann oter. Pour sef lakoral: Avek bann lenstriman lakord.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

2 Korentyen 1:10

Li menm ki'n delivre nou dan en tel danze lanmor e nou krwar ki i pou delivre nou ankor. Nou'n met nou lespwar dan li.

2 Korentyen 1:8

Annefe, nou pa oule ki zot reste dan linyorans, konsernan soufrans ki nou'n pas ladan dan provens Lazi. I ti pli for ki nou ti kapab siporte; ziska en tel pwen ki nou pa ti konnen menm si nou ti pou reste vivan.

1 Samyel 17:37

David ti dir ankor, “SENYER ki'n delivre mwan dan grif lyon ek grif lours, pou delivre mwan osi dan lanmen sa Filisten.” Sail ti dir David, “Ale! Mon swete ki SENYER ava avek ou!”