Psonm 141:4 - Labib An Kreol Seselwa

⁴ Pa les mon leker tonm dan lemal, pour mwan pa tonm dan bann move mers bann malfeter. Alor, mon pa pou bezwen manz zot dipen.

Psonm 141:4 ပူးပေါင်းရင်းမြစ်များ

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Psonm 119:36

Donn mwan sa dezir swiv ou bann lord e non pa rod mon prop lentere.

Ezai 63:17

SENYER! Akoz ou'n les nou egare lwen avek ou semen? Ou'n andirsi nou leker pour fer nou rezet ou. Pour lanmour ou bann serviter, pour lanmour bann tribi ki ou posesyon: Retournen!

2 Korentyen 6:17

Pour sa rezon, sorti parmi zot, e separe avek zot, Senyer i deklare. Pa tous okenn keksoz enpir, e mon ava resevwar zot.

1 Korentyen 15:33

Pa les zot ganny tronpe: Move frekantasyon, i gat repitasyon.

1 Rwa 8:58

I pou fer nou leker tourn ver li, pour fer nou mars dapre son lavolonte, e gard son bann komannman, son lalwa ek son bann regleman ki i'n donn nou bann zanset.

Let Zak 1:13

Personn pa devre dir kan i ganny tante: Bondye ki'n tant mwan. Annefe, Bondye pa kapab ganny tante pour fer sa ki mal, e li menm i pa tant personn.

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Revelasyon 18:4

Apre, mon ti antann en lot lavwa sorti dan lesyel ki ti dir: Mon pep! Sorti dan sa lavil, pour ou pa partisip dan son bann pese e pour ou pa resevwar en par dan son bann fleo.

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.

1 Rwa 22:22

I ti reponn, “Mon pou sorti e mon pou vin en lespri mansonz dan labous tou bann profet.” SENYER ti dir, “Wi, al tant li e ou ava reisi. Ale! Al fer li.

Deterononm 2:30

Me Sihonn, lerwa Hesbonn, pa ti les nou travers son pei. Annefe, SENYER, zot Bondye ti fer zot vin antete e andirsi son leker pour li livre zot anba ou pouvwar parey i ete ziska ozordi.

Nonm 25:2

Sa bann fanm ti'n envit pep Izrael pour vin ofer sakrifis. Bann Izraelit ti manze e ador bann bondye Moab.

Zenez 27:14

Alor, Zakob ti al sers de kabri ki i ti anmenn kot son manman. Rebeka ti prepar sa pla apetisan parey son papa ti kontan.

1 Rwa 13:8

Me sa profet Bondye ti dir lerwa, “Menm si ou donn mwan lanmwatye ou rwayonm, mon pa pou al kot ou. Mon pa pou manz ou dipen, ni bwar ou delo,

Psonm 28:3

Pa trenn mwan ansanm avek bann malfeter, ni avek bann ki fer sa ki mal, ki koz lape avek zot vwazen, me zot leker i ranpli avek mesanste.