Psonm 135:4 - Labib An Kreol Seselwa

⁴ Annefe, SENYER in swazir Zakob zis pour li, Izrael koman son byen personnel.

Psonm 135:4 ပူးပေါင်းရင်းမြစ်များ

Psonm 105:6

Desandans son serviter, Abrahanm, bann garson Zakob ki i'n swazir.

Psonm 33:12

I byennere sa nasyon ki annan SENYER koman son Bondye! I byennere sa pep ki SENYER in swazi pour son patrimwann!

Ezai 41:8

Me ou, Izrael, mon serviter, Zakob ki mon'n swazir; desandans Abrahanm, mon zanmi;

Zeremi 51:19

Me Bondye Izrael i pa parey zot. In kree liniver e in swazir Izrael koman son prop pep. SENYER liniver i son non.

Malasi 3:17

Sa zour ki mon'n prepare pour azir, mon pou fer zot vin mon trezor, mon pep spesyal, SENYER liniver ti deklare. Mon pou montre mon bonte anver zot, parey bann paran ki kontan zot zanfan ki obeisan.

Deterononm 10:15

Lontan, SENYER ti atase zis avek ou bann zanset. Me ozordi, se zot ki i'n swazir koman son bann desandan, parmi tou lezot pep.

Deterononm 26:18

Ozordi, SENYER in fer ou promet pour ou vin son pep parey i ti dir ou; ou ava obzerv tou son bann komannman.

Deterononm 32:9

SENYER ti swazir son pep koman son par, desandan Zakob pour son patrimwann.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.