Psonm 13:2 - Labib An Kreol Seselwa

² Ziska kan fodre ki mon pran traka e viv tou le zour avek en leker sagren? Ziska kan mon lennmi pou pran lavantaz lo mwan?

Psonm 13:2 ပူးပေါင်းရင်းမြစ်များ

Nehemi 2:2

Alor, lerwa ti dir mwan, “Akoz ou annan en figir tris? Pourtan ou pa malad; kekfwa ou annan en sagrinasyon dan leker.” Mon ti per en kantite.

Ester 7:6

Ester ti reponn, “Sa ladverser, sa lennmi, se Haman, sa move zonm!” Haman ti konmans tranble devan lerwa ek larenn.

Liv Zob 10:15

Maler, si mon fer en pese! Menm kan mon fer sa ki byen, mon pa oze lev mon latet, akoz mon kouver avek laont ek soufrans.

Psonm 10:18

pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Psonm 17:9

kont bann malfeter ki oule atak mwan; kont bann lennmi mortel ki antour mwan.

Psonm 31:18

Ferm labous sa bann manter ki koz avek ensolans, avek larogans ek mepri kont bann ki zis.

Psonm 38:17

Annefe, mon pre pour mwan tonbe; mon douler pa kit mwan.

Psonm 42:4

Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Psonm 6:4

Retournen SENYER! Delivre mwan. Akoz ou fidelite SENYER, sov mwan!

Psonm 7:2

avan ki zot desir mwan parey en lyon e trenn mwan avek zot, san ki personn i sov mwan.

Psonm 74:10

Mon Bondye! Ziska kan ou bann lennmi pou kontinyen riy ou? Eski zot pou mepriz ou non pour touzour?

Psonm 74:18

Pa oubliye SENYER: Ou bann lennmi pe ensilte ou. En pep fou pe denigre ou non.

Psonm 8:2

Labous pti baba ek bann zanfan i sant ou laglwar. Ou montre ou pwisans kont ou bann lennmi e fer ou bann ladverser reste silans.

Psonm 9:6

Bann lennmi in ganny detri konpletman. Zot bann lavil in ganny kraze; zot in ganny konpletman oubliye.

Proverb 15:13

Lazwa i lo figir sa enn ki annan bonker; me en leker ki dan lapenn i dekouraz lespri.

Eklezyas 5:17

I'n pas tou son letan dan fernwanr, dan bokou traka, bokou soufrans ek fristrasyon.

Zeremi 15:18

Akoz mon pe kontinyen soufer? Akoz mon bann blesir pa pe geri? Zot pa pe sikatrize. Ou'n vreman dezapwent mwan parey en sours sek dan sezon lapli.

Zeremi 45:3

Ou ti dir: Maler! SENYER in azout douler lo mon lapenn. Mon fatige afors plennyen. Mon napa repo.

Zeremi 8:18

Napa okenn remed pour geri mon lapenn. Mon leker i fer mal.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 5:20

Akoz ou'n oubliy nou pour touzour? Eski ou pou abandonn nou tou dilon nou lavi?

Matye 26:38

I ti dir zot, “Mon leker i ranpli avek latristes lanmor. Reste isi e vey avek mwan.”

Levanzil dapre Lik 22:53

Tou le zour mon ti avek zot dan Tanp, me personn pa ti aret mwan. Me aprezan, zot ler in arive; sa i ler ki pwisans lemal i azir dan lannwit.”

Levanzil dapre Zan 16:6

Me akoz mon'n dir zot sa bann keksoz, zot leker i ranpli avek sagren.

Romen 9:2

Wi, mon dan en gran tristes e mon annan en douler kontinyel dan mon leker.

Filipyen 2:27

Annefe, i ti malad, e pre pour mor. Me Bondye ti pran pitye pour li, pa zis pour li, me osi pour mwan, pour ki mon pa sibir en pli gran tristes.

1 Samyel 18:29

Sail ti vin per David ankor. Dezormen Sail vin lennmi David pour touzour.

1 Samyel 24:19

Sa enn ki zwenn son lennmi, eski i les li kontiny trankilman son semen? SENYER ava rekonpans ou pour sa ki ou'n fer pour mwan ozordi.