Psonm 113:4 - Labib An Kreol Seselwa

⁴ SENYER i renny lo tou bann nasyon; son grander i depas lesyel.

Psonm 113:4 ပူးပေါင်းရင်းမြစ်များ

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

Psonm 148:13

Loue non SENYER akoz son non i pli gran ki tou. Son laglwar i depas later ek lesyel.

Psonm 8:1

SENYER! Ou ki nou SENYER! Ou non i manifik partou lo later. Ou laglwar i pli o ki lesyel.

Psonm 97:9

Annefe, ou menm SENYER, Bondye Treo, par lao later! Ou ganny eleve par lao tou bondye.

Psonm 99:2

SENYER i gran dan Zerizalenm; i domin tou bann pep.

Ezai 40:15

Bann nasyon i parey en gout delo obor en seo. Zot pa pez plis ki lapousyer dan en balans. Zabitan bann zil pa pez plis ki en gren lapousyer ki anvole.

Ezai 40:17

Bann nasyon, zot nanryen ditou devan li. Dan son lizye, zot pou mwens ki nean.

Ezai 40:22

Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?