2 Zot ava fer ou viv pli lontan e ou ava ere.
Si ou fer mon lavolonte, si ou obei mon lalwa ek mon bann komannman parey ou papa David, mon pou donn ou en long lavi.”
Ou pou ranpli avek lafors ziska dan ou vyeyes, parey dible ki'n ler pour rekolte.
Pour sa bann ki kontan ou lalwa, zot zouir lape; zot pa rankontre okenn lobstak.
Ou pou war ou bann pti zanfan. Lape lo Izrael.
I ti demann ou lavi e ou'n donn li; en lavi ki dire pour lontan e touzour.
Mon pou fer li viv lontan e montre li, ki mon son Sover.
Respe pour SENYER i fer viv pli lontan; me lavi bann malfeter i ganny rakoursi.
Seve blan i en kouronn laglwar ki sa enn ki'n mars lo semen lazistis i gannyen.
Mon zanfan! Ekoute. Aksepte mon bann parol e ou ava viv lontan.
Mon papa ti ansenny mwan; i ti dir mwan: Gard mon bann parol lo ou leker; obzerv mon bann komannman e ou ava viv.
Annefe, gras a mwan, ou pou viv pli lontan; bann lannen ava ganny azoute avek ou lavi.
Lazistis pou anmenn lape. Lazistis pou anmenn trankilite ek sekirite pour touzour.
Rwayonm Bondye pa en zafer manze ek bwar, me i lazistis, lape ek lazwa dan Lespri Sen.
Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.
Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.
Konmsa, osi lontan ki lesyel i egziste, zot ek zot zanfan ava viv lontan dan pei ki SENYER in fer serman avek zot zanset pour donn zot.
Alor! Fer atansyon e met an pratik sa ki SENYER, zot Bondye in ordonn zot. Zot pa pou al ni agos, ni adrwat.
I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.
