Oze 9:6 - Labib An Kreol Seselwa

⁶ Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Oze 9:6 ပူးပေါင်းရင်းမြစ်များ

2 Rwa 13:7

Yoakaz pa ti annan plis ki 50 kavalye, 10 kales lager, 10,000 zonm apye, akoz lerwa Lasiri ti'n detri tou son larme. I ti'n tret zot parey lapousyer anba lipye.

Psonm 107:34

Akoz mesanste son bann zabitan, en later fertil in vin en laplenn disel.

Proverb 24:31

Move zerb ti pe pouse partou, move zerb ti'n kouver later e bann miray ti'n tonbe.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 19:13

Bann sef ki sorti Soann i'n vin fou, bann sef sorti Menmfis in perdi latet. Bann sef enportan dan zot tribi i'n anmenn Lezip lo move semen.

Ezai 27:12

Sa zour, SENYER pou bat bann zepi depi larivyer Efrat, ziska larivyer Lezip. I pou rasanble zot enn par enn, pep Izrael.

Ezai 32:13

Plere lo later mon pep, kot zis zarbis pikan ki pouse. Plere dan bann lakaz kot dimoun i ere e dan bann lavil ki ti anfet.

Ezai 34:13

Brousay pikan pou pous dan son bann pale; move zerb ek lalyann lo son bann miray. Lisyen maron pou vin reste la. Bann lotris ava ganny en labri.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 7:23

Sa zour, la kot ti annan en plantasyon rezen, en valer 1,000 pyes larzan, pou annan zis bann zarbis pikan.

Zeremi 2:16

Menm bann zabitan Menmfis ek Tapanes pour vin raz son latet kler.

Zeremi 42:22

Alor, zot devre konnen ki zot pou mor par lager, lafanmin e par lepidemi dan sa pei kot zot oule al reste.

Zeremi 44:1

La mesaz ki SENYER ti donn Zeremi konsernan tou bann Izraelit ki ti pe viv Lezip, dan bann lavil Migdol, Tafanes, Menmfis, e dan pei Patros:

Zeremi 44:12

Tou restan lepep ki ankor vivan dan Zida ki'n deside refizye Lezip, pou ganny detri laba. Zot tou, gran koman pti, zot pou mor Lezip swa par lager, swa par lafanmin. Zot pou antre dan proverb pour donn malediksyon e pour ensilte dimoun.

Zeremi 44:13

Parey mon ti pini bann zabitan Zerizalenm, mon pou osi detri sa bann ki viv Lezip par lager, lafanmin ek lepidemi.

Zeremi 46:14

Al anons sa nouvel dan bann lavil Lezip, dan Migdol, Menmfis, Tafanes: Debout! Met zot pare; akoz lager in deza detri zot vwazen!

Zeremi 46:19

Pep Ezipsyen! Anmas ou pake; prepar ou pour al annegzil. Lavil Menmfis pour vin parey en dezer; en ta debri san okenn zabitan.

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.

Ezekyel 30:16

Mon pou met dife dan Lezip. Zabitan Sin pou tranble avek lafreyer. Zot pou pers en trou dan miray Teb; miray Teb pou fann, Menmfis pou ganny kouver anba delo.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Oze 11:11

Zot pou arive an tranblan parey zwazo sorti Lezip, parey en group tourtrel sorti Asiri. Mon pou fer zot retourn se zot. SENYER ki'n deklare.

Oze 2:6

Pour sa rezon, mwan SENYER, mon pou blok son semen. Mon pou antour li avek en bison pikan. I pa pou war semen pase.

Oze 7:11

Efraim in vin parey en pizon timid san disernman. Zot demann led Lezip e zot al Asiri.

Oze 7:13

Maler lo zot! Zot in sov lwen avek mwan! Zot pou ganny detri akoz zot in revolte kont mwan. Mon pou delivre zot, me zot dir mansonz kont mwan.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Sofoni 1:11

Bann zabitan ki dan leba lavil! Kriye. Tou bann marsan in ganny detri. Tou bann ki pez larzan in ganny touye.

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.