Oze 8:5 - Labib An Kreol Seselwa

⁵ Samari! Ou zenn bef i ganny rezete. Mon lakoler in monte kont zot. Konbyen letan zot pou kapab viv en lavi inosan?

Oze 8:5 ပူးပေါင်းရင်းမြစ်များ

2 Kronik 13:8

Aprezan zot dir: Nou pou opoz rwayonm ki SENYER in konfye avek bann desandan David. Zot annan en gran larme e zot annan osi avek zot angiz bondye bann zenn bef annor ki Zeroboanm ti'n fabrike pour zot.

Psonm 19:13

Protez ou serviter kont bann arogan. Pa les zot domin mwan, pour ki mon ava san repros e ganny prezerve kont okenn fot grav.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Oze 10:5

Bann zabitan Samari i tranble devan zot zenn bef. Zot pou port dey pour zot zidol e bann pret pou plere pour zot. Zot ava lamante pour laglwar ki'n al annegzil lwen avek zot.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Oze 8:6

Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

Mise 1:7

Tou son bann stati pou ganny kas an morso. Kado ki zot in resevwar pou ganny zete dan dife. Mon pou detri tou son bann zidol. Zot bann gen prostitisyon pou reganny servi dan prostitisyon.

Akt de Zapot 7:41

Alor, zot ti fabrik en zenn toro; zot ti ofer li sakrifis; e zot ti fete, selebre avek sa ki zot prop lanmen ti'n fabrike.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.