Oze 4:6 - Labib An Kreol Seselwa

⁶ Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Oze 4:6 ပူးပေါင်းရင်းမြစ်များ

2 Kronik 15:3

Pandan lontan, bann Izraelit pa'n konn vre Bondye, ni annan pret pour ansenny zot; zot pa ti konn lalwa.

Liv Zob 36:12

Me si zot pa ekout li, zot pou ganny detri e zot pou mor dan linyorans.

Psonm 119:139

Mon gran lanmour pour ou i brile dan mwan akoz mon bann lennmi i oubliy ou bann parol.

Psonm 119:153

Get mon maler e delivre mwan, akoz mon pa'n oubliy ou lalwa.

Psonm 119:61

Mon pa oubliy ou bann lalwa, menm si bann malfeter i met mwan dan en latrap.

Psonm 18:27

Ou delivre dimoun ki senp. Ou fer bann orgeye bes zot lizye.

Proverb 10:21

Parol sa enn ki zis i nouri en lafoul; me bann fou i mor akoz zot latet i vid.

Proverb 19:2

Mank refleksyon i pa bon pour personn; sa enn ki tro prese i kapab komet bann fot.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 28:7

Bann pret ek bann profet osi in egare; soule avek diven; labwason for i fer zot drive; zot lespri in noye dan diven; zot perdi lekilib avek bann labwason for; zot pa war kler; zot rabase ler zot rann zizman.

Ezai 29:12

Si ou donn sa dokiman en dimoun ki pa konn lir e ou dir li: Lir sa! I pou reponn: Mon pa konn lir.

Ezai 3:12

Zanfan ki pe kraz mon pep; fanm ki pe domin zot. Mon pep! Ou bann sef pe tronp ou. Zot pe anmenn ou dan move semen.

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 5:13

Pour sa rezon, mon pep pou ganny deporte akoz i pa konpran. Son bann gran zans pou mor lafen e popilasyon antye pou mor laswaf.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Ezekyel 44:23

Zot ava ansenny mon pep diferans ant sa ki sakre avek sa ki profann e fer li konn distenksyon ant sa ki pir ek sa ki enpir.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Oze 4:14

Mon pa pou fer zot bann fiy rann kont pour zot prostitisyon, ni zot bann belfiy pour zot adilter. Annefe, zot menm, bann pret, zot al kot bann prostitye, zot partaz repa sakre avek bann prostitye dan tanp. En pep san disernman pe al ver son destriksyon.

Oze 5:4

Zot bann aksyon pa permet zot retourn ver zot Bondye. Sa venen prostitisyon i tase dan zot, akoz zot pa konn SENYER.

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

Oze 7:11

Efraim in vin parey en pizon timid san disernman. Zot demann led Lezip e zot al Asiri.

Oze 7:9

Bann etranze i sis son lafors, san ki i konnen. Lavyeyes in akapar li, san ki i remarke.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Oze 8:12

Mon ava kapab ekri bokou detay lo lalwa, me pour zot, sa i drol.

Oze 8:14

Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Oze 9:17

Mon Bondye pou rezet zot, akoz zot pa'n ekout li. Zot pou vin eran parmi bann nasyon.

Matye 1:6

Zese ti papa David. Lerwa David ti papa Salomon; son manman ti fanm Iri.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Matye 15:8

Sa pep, i onor mwan avek labous, Me zot leker i lwen avek mwan.

1 Samyel 2:12

Bann garson Eli ti bann zonm san okenn moral; zot ti napa respe pour SENYER.