Oze 4:10 - Labib An Kreol Seselwa

¹⁰ Zot pou manze, me zot pou reste touzour lafen. Zot pou viv dan prostitisyon, me zot popilasyon pa pou ogmante, akoz zot nepli annan respe pour SENYER.

Oze 4:10 ပူးပေါင်းရင်းမြစ်များ

2 Kronik 24:17

Apre lanmor Yoyada, bann sef dan Zida ti vin devan Zoas pour rann omaz; lerwa ti ekout zot.

Psonm 125:5

Me sas bann ki swiv move semen. Lape lo Izrael!

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

Proverb 13:25

Sa enn ki zis i annan ase manze pour satisfer son lapeti. Me vant bann malfeter i reste vid.

Zeremi 34:15

Zot, o kontrer, zot in sanz zot lide ki'n fer mwan plezir: Zot tou, zot in met zot dakor pour rann laliberte zot prosen. Zot in fer en lalyans devan mwan dan tanp kot mon non in ganny konsakre.

Zeremi 9:12

Eski i annan en dimoun saz pour eksplike akoz sa pei in ganny devaste, e akoz in vin sek parey en dezer kot personn nepli pase?

Ezekyel 18:24

Me si en dimoun zis i abandonn sa ki byen pour al fer sa ki mal e imit bann malfeter dan zot pratik degoutan, eski i pou viv? Tou bann bon aksyon ki i'n fer pou ganny oubliye. I pou mor, akoz tou son bann pese ek enfidelite ki i'n komet.

Ezekyel 22:9

Kot ou, i annan ki fer kalonmni pour fer disan koule. Zot manz dan bann landrwa sakre lo montanny e livre zot dan en lavi debos.

Oze 4:14

Mon pa pou fer zot bann fiy rann kont pour zot prostitisyon, ni zot bann belfiy pour zot adilter. Annefe, zot menm, bann pret, zot al kot bann prostitye, zot partaz repa sakre avek bann prostitye dan tanp. En pep san disernman pe al ver son destriksyon.

Oze 7:4

Zot tou, zot in komet adilter. Zot parey en four ki en boulanze i sofe. Me i aret vey dife depi ki i'n petri lapat, ziska ki son lapat in fini leve.

Levitik 26:26

Mon pa pou donn zot dipen. Dis fanm ava kwi zot dipen dan en sel four. Manze pou ganny rasyonnen; zot ava manze, me zot pou ankor lafen.

Mise 6:14

Ou pou manze me ou pou reste lafen. Tou sa ki ou pou met dekote pa pou reste; sa ki ou reisi met dekote, mon pou detrir par lepe.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Agze 1:6

Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.