Oze 3:5 - Labib An Kreol Seselwa

⁵ Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Oze 3:5 ပူးပေါင်းရင်းမြစ်များ

1 Rwa 12:16

Kan pep Izrael antye ti war ki lerwa pa pare pour ekout zot, zot ti reponn lerwa, “Ki par nou annan avek David? Nou napa nanryen avek garson Zese. Pep Izrael! Annou retourn dan nou latant. David! Okip ou prop zafer.” Alor, pep Izrael ti retourn se zot dan zot latant.

Ezai 17:7

Sa zour, lepep pou tourn son regar ver son Kreater e zot lizye pou war Bondye Sen Izrael.

Ezai 2:2

Dan lavenir, montanny kot tanp SENYER ti ete, pou vin pli o parmi tou bann montanny; i pou pli o ki bann kolin. Tou bann nasyon pou al ver li.

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Ezai 60:5

Ler ou pou war sa, ou pou ranpli avek lazwa; ou leker pou bate avek lemosyon, ou pou rezoui dan lazwa. Trezor bann zil lanmer pou ariv ziska kot ou e larises bann nasyon pou vin kot ou.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Zeremi 30:24

Sa lakoler vyolan ki sorti kot SENYER, pa pou arete tan ki tou sa ki i'n deside, pa ganny realize. Plitar, zot ava konpran sa.

Zeremi 30:9

Zot ava servi SENYER zot Bondye, e David, zot lerwa ki mon pou donn zot.

Zeremi 33:17

Annefe, la sa ki SENYER i deklare: Pou touzour annan en desandan David koman lerwa pep Izrael.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Ezekyel 38:16

Ou ava atak mon pep Izrael, parey en nyaz ki kouver later. La sa ki pou arive apre sa: Byen lontan apre, mon pou fer ou monte e atak mon pei, pour ki atraver ou, Gog, mon ava montre ki mon sen devan bann nasyon.

Ezekyel 38:8

Dan ankor en bon pe letan, ou pou ganny enstale dan ou plas. Plitar, mon pou donn ou lord pour atak pei avek en pep ki'n sape dan lager. Zot pou sorti parmi bann nasyon kot zot ti reste e rasanble lo bann montanny Izrael ki'n reste san zabitan depi lontan. Aprezan ki zot in sorti parmi sa bann nasyon, zot ava kapab viv an sekirite.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Danyel 2:28

Me i annan en Bondye dan lesyel ki revel bann mister, e i'n montre lerwa Naboukodonozor sa ki pou arive dan lavenir. La ou rev ek bann vizyon ki ou'n gannyen dan ou sonmey:

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Oze 11:10

Zot pou swiv SENYER ki pou kriye parey en lyon. Kan i kriye, son bann zanfan pou taye sorti dan Was an tranblan.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Oze 5:6

Avek zot bann troupo, zot pou al rod SENYER. Me zot pa pou trouv li, akoz in elwanny li avek zot.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Amos 9:11

La sa ki SENYER i deklare: Sa zour pe vini kan mon pou rekonstri lavil David ki'n tonm anrin parey en payot. Sa zour la, mon pou repar li, mon pou remet li debout. Mon pou rekonstri li e retourn li parey i ti ete avan.

Mise 4:1

Dan lavenir, kot montanny tanp SENYER i ete pou vin montanny pli o. I pou vin pli o ki tou bann kolin. Tou bann pep pou vin rasanble la.

Nonm 24:14

Balaanm ti dir Balak, “Aprezan, mon pe ale. Vini, mon ava dir ou sa ki sa pep pou fer avek ou pep dan lavenir.”

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 2:4

Oubyen, eski ou pa apresye gran labonte, pasyans ek zenerozite Bondye? Eski ou pa konnen ki labonte Bondye i devre anmenn sanzman dan ou lavi?

Deterononm 4:30

Plitar, kan ou pou dan detres, kan tou sa ki mon'n anonse ava'n arive, ou ava retourn ver SENYER, ou Bondye e ou ava son lavwa.