Oze 2:4 - Labib An Kreol Seselwa

⁴ Mon pa pou kontan son bann zanfan: Zot bann zanfan en fanm prostitye.

Oze 2:4 ပူးပေါင်းရင်းမြစ်များ

2 Rwa 9:22

Kan Yoranm ti war Zehou, i ti demande, “Zehou! Eski ou anmenn lape?” I ti reponn, “Koman i kapab annan lape, tan ki i annan sa kantite prostitisyon ek sorselri ou manman, Zezabel?”

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 57:3

Me zot, bann zanfan en fanm sorsye, piti en fanm adilter, en prostitye! Vin isi.

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 16:5

Annefe, la sa ki SENYER i deklare: Pa antre dan okenn lakaz kot i annan en lanmor; pa asiste okenn lanterman, akoz mon'n aret beni mon pep, e mon nepli montre mon labonte ek mon lafeksyon anver li, SENYER i deklare.

Ezekyel 23:25

Akoz mon lakoler kont ou, mon pou les zot tret ou avek vyolans. Zot pou koup ou nennen ek ou zorey; bann ki reisi sirviv pou ganny masakre. Zot pou atrap ou bann garson ek fiy e bann ki sirviv pou ganny brile.

Ezekyel 8:18

Alor, aprezan mon tour: Mon pou azir avek lakoler san pitye; mon pa pou eparny personn. Zot ava kriye avek tou zot lafors, mon pa pou ekout zot.”

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 1:6

Gomer ti ansent ankor e i ti ganny en fiy. SENYER ti dir Oze: Ou ava apel li Lo-Rouama, savedir: Sa ki mon pa kontan. Mon pou nepli kontan pep Izrael e kontinyen pardonn zot.

Oze 5:7

Zot pa'n fidel avek SENYER, akoz zot bann zanfan ilezitim. Aprezan, nouvellin pou devor zot avek zot plantasyon.

Zakari 1:12

Alor, lanz ti dir, “SENYER liniver! Ankor konbyen letan eski ou pa pou pran pitye pour Zerizalenm ek bann lavil dan Zida kont ki ou ankoler depi deza 70 an?”

Levanzil dapre Zan 8:41

Zot, zot fer menm aksyon ki zot papa.” Zot ti reponn li, “Nou pa bann zanfan ilezitim. Nou annan en sel Papa: Bondye.”

Romen 11:22

Remarke konman Bondye i montre son labonte ek son severite: Bondye i sever anver bann ki'n tonbe, me i bon avek ou, a kondisyon ki ou kontinyen kont lo son labonte. Sinon ou osi, ou ava ganny koupe parey en brans.

Romen 9:18

Ensi, Bondye i pran pitye pour ki i oule, e i rann antete sa enn ki i oule.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.