Oze 14:3 - Labib An Kreol Seselwa

³ Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Oze 14:3 ပူးပေါင်းရင်းမြစ်များ

2 Kronik 16:7

Dan sa letan, profet Anani ti al war lerwa Asa. I ti dir li: Akoz ou'n met ou konfyans dan lerwa Siri olye lo SENYER, ou Bondye; larme Siri in sape anba ou kontrol.

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 146:3

Pa met ou konfyans dan bann sef, dan bann imen ki pa kapab sov ou.

Psonm 146:9

SENYER i vey lo bann etranze. I protez bann vev ek bann orfelen, me i kas plan bann malfeter.

Psonm 33:17

En seval pa kapab donn laviktwar; son gran lafors pa sov son kavalye.

Psonm 68:5

Dan son sanktyer sakre, Bondye i en papa pour bann orfelen e i protez bann vev.

Ezai 1:29

Alor, bann pye dibwa sakre ki zot ti adore pou fer zot onte; zot pou kanmi avek zot bann zarden sakre ki zot ti fer.

Ezai 2:20

Sa zour, dimoun pou zet avek bann tang ek bann sovsouri, bann zidol annarzan e annor fer par zot menm pour adore.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 30:16

Ou'n dir: Non! Nou pou sove lo seval. Alor, zot pou sove! Zot dir osi: Nou bann seval i rapid! Alor! Bann ki pourswiv zot pou osi rapid.

Ezai 30:2

Zot deside pour desann Lezip san demann mwan konsey; zot al rod refiz anba proteksyon Faraon e rod en labri dan lonbraz Lezip.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 31:3

Bann Ezipsyen i bann imen, zot pa Bondye; zot bann seval i annan laser, zot pa en lespri. Ler SENYER i lev son lanmen, sa enn ki port sekour pou kilbite, sa enn ki ganny sekour pou tonbe e tou le de pou mor ansanm.

Ezai 36:8

Vini aprezan! Fer en laranzman avek mon senyer, lerwa Asiri: Mon ava donn ou 2,000 seval, si ou kapab ganny kavalye pour mont zot.

Zeremi 49:11

Les zot bann orfelen avek mwan; mon pou okip zot. Bann vev ava kapab kont lo mwan.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 37:23

Zot pou nepli rann zot enpir ankor par zot bann zidol e par zot bann aksyon degoutan, ni par tou lezot pese. Me mon pou delivre zot dan tou bann landrwa kot zot in fer pese kont mwan. Mon pou pirifye zot; zot ava vin mon pep e mon ava vin zot Bondye.

Oze 12:1

Efraim i nouri lo divan, i tay deryer divan Les tou lazournen; i miltipliy mansonz ek vyolans. In fer en lalyans avek Asiri, e i fourni delwil doliv Lezip.

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Oze 2:17

Mon pou fer disparet non Baal dan son labous. Zot pa pou mansyonn sa non ankor.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Oze 5:13

Efraim i rekonnet son maladi, e Zida son bann blesir. Alor, Efraim in al ver Asiri e anvoy mesaze kot lerwa Yareb. Me sa lerwa pa pou kapab geri li, ni pran ka son bann boubou.

Oze 7:11

Efraim in vin parey en pizon timid san disernman. Zot demann led Lezip e zot al Asiri.

Oze 8:6

Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.

Oze 8:9

Zot in al Asiri parey en bourik sovaz ki tousel. Efraim in bezwen peye pour li ganny galan.

Zonas 2:10

SENYER ti donn lord sa pwason e sa pwason ti al vomi Zonas ater.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Levanzil dapre Zan 14:18

Kan mon ava'n ale, mon pa pou les zot tousel konman bann orfelen. Mon pou retourn kot zot.

Deterononm 17:16

Me fodre pa ki i posed bokou seval; ni fer lepep retourn Lezip pour li aste plis seval. Annefe, SENYER in dir ou: Ou pa pou zanmen retourn dan sa pei ankor.