Oze 11:7 - Labib An Kreol Seselwa

⁷ Mon pep i antete pour elwanny zot avek mwan. Zot ganny apele lao, me personn pa leve.

Oze 11:7 ပူးပေါင်းရင်းမြစ်များ

Psonm 81:11

Me mon pep pa ti ekout mon lavwa. Izrael ti refize obeir mwan.

Proverb 14:14

Sa enn ki viv nenport koman, ava ganny sa ki i merite. En bon dimoun ava ganny sa ki i merite.

Ezai 26:10

Menm si ou annan pitye pour bann malfeter, zot pa aprann pratik lazistis. Dan pei kot lazistis i ganny pratike, zot azir an malonnet e zot pa war ou grander, SENYER.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 3:11

SENYER ti kontinyen: Menm si Izrael pa'n retourn ver mwan, i mwen koupab ki Zida ki ti pe fer krwar i fidel, me ki an realite, li osi i ti enfidel.

Zeremi 7:25

Depi zour ki mon ti fer zot bann zanset sorti Lezip, mon'n touzour anvoy bann profet, mon bann serviter, kot zot.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Zeremi 8:5

Alor, akoz pep Zerizalenm ki'n egare, i persiste dan son move semen? Zot kontinyen ador bann fo bondye e zot refize retourn ver mwan.

Oze 11:2

Plis mon apel zot, plis zot elwanny zot avek mwan; zot kontinyen ofer sakrifis devan Baal, e ofer lansan devan bann zidol.

Oze 14:4

Mon pou geri zot lenfidelite. Mon pou kontan li avek tou mon leker, akoz mon nepli ankoler kont li.

Oze 4:16

Izrael i retif parey en zenis ki refize bouze. Eski SENYER pou tret li parey mouton dan laplenn?

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.