Nonm 12:2 - Labib An Kreol Seselwa

² Zot ti dir: Eski SENYER i koz zis par lentermedyer Moiz? Pa i koz osi atraver nou? SENYER ti antann zot.

Nonm 12:2 ပူးပေါင်းရင်းမြစ်များ

Zenez 29:33

I ti ansent ankor e i ti ganny en garson. I ti dir, “SENYER in antann mwan, in war ki mon mari pa ti kontan mwan e in donn mwan ankor sa garson.” I ti apel li Simeon, savedir, in tande.

2 Samyel 11:27

Kan dey ti'n fini, David ti anvoy sers li e anmenn li dan son lakaz. I ti vin son fanm, e i ti ganny en garson pour li. Sa ki David ti'n fer, pa ti fer plezir SENYER.

2 Rwa 19:4

Petet SENYER ou Bondye in antann tou bann parol Ed de kan, ki son met lerwa Asiri in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep, ki ankor vivan.

Egzod 4:14

Alor SENYER ti ankoler kont Moiz. I ti dir li, “Pa ou annan en frer Aaron, en levit? Mon konnen ki i koz byen. Apre tou, i pe vin rod ou. I pou kontan ler i pou war ou.

Egzod 4:30

Aaron ti dir tou bann parol ki SENYER ti'n dir Moiz. I ti fer bann siny devan bann Izraelit.

Egzod 5:1

Apre, Moiz ek Aaron ti al kot Faraon. Zot ti dir li, “La sa ki SENYER, Bondye Izrael i deklare: Les mon pep ale pour li selebre en lafet an mon loner dan dezer.”

Egzod 7:10

Alor, Moiz ek Aaron ti al kot Faraon. Zot ti fer parey SENYER ti'n ordonn zot. Aaron ti zet son baton devan Faraon ek son bann serviter. Sa baton ti vin en serpan.

Proverb 13:10

Larogans i provok zis dispit; lasazes i avek sa enn ki ekout konsey.

Ezai 37:4

Petet SENYER ou Bondye in antann bann parol Ed de kan ki son met, lerwa Asiri, in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep ki ankor vivan.

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Nonm 11:1

Lepep ti konmans konplent kont SENYER. Sa ti fer lakoler SENYER monte. Dife SENYER ti desann e bril en bout kan.

Nonm 11:29

Moiz ti reponn li, “Eski ou zalou dan mon plas? Mon ti ava kontan ki SENYER i met son Lespri lo pep Izrael antye, konmsa tou dimoun ti ava profetize.”

Nonm 12:3

Moiz ti en zonm avek bokou limilite, plis ki nenport ki zonm lo later.

Nonm 16:3

Zot ti met zot ansanm kont Moiz ek Aaron. Zot ti dir: Ou'n al tro lwen. Pep Izrael antye i sen e SENYER i la parmi nou. Avek ki drwa zot oule plas zot par lao lasanble SENYER?

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Romen 12:3

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

Filipyen 2:14

Fer tou keksoz san okenn konplent, ni diskisyon.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.