Nehemi 8:9 - Labib An Kreol Seselwa

⁹ Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Nehemi 8:9 ပူးပေါင်းရင်းမြစ်များ

2 Rwa 22:11

Kan lerwa ti antann parol liv lalwa, i ti desir son lenz.

2 Rwa 22:19

Akoz ou leker in touse, e ou'n imilye ou devan SENYER, ler ou ti antann sa ki mon'n dir lo sa landrwa ek son bann zabitan ki zot pou dan dezolasyon e anba malediksyon; akoz ou'n desir ou lenz e plere devan mwan, mwan osi mon'n ekout ou. SENYER ki deklare.

2 Kronik 15:3

Pandan lontan, bann Izraelit pa'n konn vre Bondye, ni annan pret pour ansenny zot; zot pa ti konn lalwa.

2 Kronik 30:22

Ezekyas ti ankouraz bann levit ki ti montre bon disernman anver servis SENYER. Pandan set zour, lepep ti partisip dan bann repa Pak. Zot ti ofer sakrifis lakominyon e sant louanz an loner SENYER, Bondye zot zanset.

2 Kronik 34:19

Kan lerwa ti antann parol ki ti sorti dan liv lalwa, i ti desir son lenz.

2 Kronik 34:21

“Al konsilte avek SENYER pour mwan e pour leres pep Izrael ek Zida, konsernan konteni sa liv ki nou'n fek dekouver. I vre ki nou bann zanset pa'n obei bann komannman ki ladan, e zot in sibir konsekans gran lakoler SENYER kont nou.”

2 Kronik 35:3

I ti dir avek bann levit ki ti'n ganny konsakre dan servis SENYER, e ki ti responsab pour ansenny pep Izrael, “Met Kof Lalyans dan tanp ki Salomon, garson David, lerwa Izrael ti konstri. Zot pa bezwen kontinyen transport li lo zot zepol. Aprezan, servi SENYER zot Bondye ek Izrael, son pep.

Esdras 2:63

Gouverner ti ordonnen ki zot pa manz bann manze sakre, ziska ki en pret i konsilte Ourim ek Toumim.

Esdras 7:11

La kopi let ki lerwa Artakzerzes ti donn pret ek ekriven Esdras, eksper dan tou sa ki konsern komannman SENYER ek bann regleman pour Izrael:

Nehemi 10:1

Parmi bann ki ti met zot sele lo sa dokiman ti annan: Nehemi, gouverner, garson Hakalya, ek Sedesyas. Bann pret:

Nehemi 12:26

Zot ti viv dan lepok Yoyakim, garson Zozye, garson Yosadak, dan lepok ki Nehemi ti gouverner e Esdras ti pret e skrib.

Nehemi 7:65

Gouverner ti defann zot manz bann lofrann tre sakre, ziska ki en pret i la pour konsilte Ourim ek Toumim.

Nehemi 7:70

Bann sef lafanmir ti osi fer bann kontribisyon pour bann travay. Zot ti donn 20,000 pyes annor ek 1,100 kilo larzan.

Nehemi 8:2

Alor, premye zour, setyenm mwan, pret Esdras ti anmenn liv lalwa devan lasanble antye; tou dimoun: Zonm, fanm, avek tou sa bann ki ti kapab tande e konpran.

Eklezyas 3:4

I annan en letan pour plere e en letan pour riye; en letan pour plennyen e en letan pour danse.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Levitik 23:24

Dir avek pep Izrael: Premye zour, setyenm mwan, ou ava obzerv en zour repo konplet. Sa i ava en zour souvenir, avek laklamasyon dan en lasanble sakre.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Romen 7:9

Lontan, mon ti viv san Lalwa. Me kan komannman in arive, pese in vin vivan,

Deterononm 12:12

Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 26:14

Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.

Let Zak 4:9

Rekonnet zot lanmizer, plere e lamante! Sanz zot sourir an pler, zot lazwa an tristes.