Nehemi 5:5 - Labib An Kreol Seselwa

⁵ Pourtan, nou tou nou imen e nou menm ras; nou zanfan i parey zot zanfan. Sepandan, nou pe fors nou bann garson ek nou bann fiy pour vin lesklav, e plizyer nou bann fiy i deza dan lesklavaz; nou napa okenn resours akoz nou bann plantasyon i dan lanmen lezot dimoun.

Nehemi 5:5 ပူးပေါင်းရင်းမြစ်များ

Zenez 29:14

Alor, Laban ti dir li, “Ou vreman mon lezo e mon laser!” Zakob ti reste pandan en mwan kot Laban.

Zenez 37:27

Annou vann li avek bann Ismaelit e annou pa sali nou lanmen avek son disan. Apre tou, i nou prop laser.” Son bann frer ti ekout li.

2 Rwa 4:1

Fanm enn bann profet ti sipliy Elize, “Ou serviter, mon mari in mor, e ou konnen ki i ti annan gran respe pour SENYER. Me en zonm ki'n pret nou larzan in vini pour pran mon de garson pour fer zot son lesklav.”

Proverb 22:7

Sa enn ki ris i domin lo bann ki pov; sa enn ki demann prete i vin lesklav sa enn ki prete.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Matye 18:25

Koman sa zonm ti napa ase pour pey son det, lerwa ti ordonn vann li, son fanm, son bann zanfan ek tou sa ki i ti posede, pour li pey son det.