Nehemi 2:8 - Labib An Kreol Seselwa

⁸ Donn mwan osi en let pour Asaf, gardyen lafore rwayal, pour ki i fourni mwan dibwa pour fer bann laport sitadel ki pre avek tanp, pour miray lavil e pour lakaz kot mon pou reste.” Lerwa ti aksepte sa ki mon ti'n demann li, akoz mon ti anba proteksyon Bondye.

Nehemi 2:8 ပူးပေါင်းရင်းမြစ်များ

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

Esdras 5:5

Me Bondye ti pe vey lo bann ansyen Zwif. Zot pa ti fer aret travay, avan ki zot ganny en larepons sorti kot Dariis, kot ki zot ti'n ekri, lo sa size.

Esdras 6:22

Answit, pandan set zour, zot ti selebre dan lazwa lafet Dipen san lelven, akoz SENYER ti'n donn zot lazwa e i ti'n tous leker lerwa Lasiri dan zot faver. Sa ti ed zot dan travay tanp Bondye Izrael.

Esdras 6:8

Aprezan, mon ordonnen ki bann ansyen parmi bann Zwif ki pe rekonstri tanp Bondye ava ganny peye, antyerman e san tarde, apartir reveni rwayal e taks ki sorti dan provens lo lot kote larivyer Efrat. Remet egzakteman larzan avek sa bann zonm pour ki sa travay pa ganny enteronpe.

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Esdras 7:9

Depar pour sorti Babilonn ti'n ganny fikse pour premye zour, dan premye mwan, e zot ti ariv Zerizalenm premye zour, senkyenm mwan, e lanmen son Bondye ti avek li.

Nehemi 7:2

Mon ti donn mon bann lord avek mon frer Hanani, e avek Hananya, sef sitadel Zerizalenm, ki ti en zonm fidel ki ti annan gran respe pour Bondye, plis ki bokou lezot.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Eklezyas 2:5

Mon ti fer zarden ek bann plantasyon, plant bann diferan kalite fri.

Eklezyas 2:6

Mon ti fer bann rezervwar delo pour aroz bann zenn pye dibwa.

Ezai 66:14

Zot ava war sa, e zot ava rezoui; zot lezo pou reganny lavi parey gazon; SENYER pou manifeste son pwisans devan son bann serviter; me son lakoler i kont son bann lennmi.

Danyel 1:9

Bondye ti permet ki Danyel i ganny faver ek konpasyon sa sef personnel pale.

Akt de Zapot 26:22

Me Bondye in protez mwan ziska ozordi e mon ankor la pour temwanny devan tou dimoun, pti koman gran. Mon pe anons zis sa ki Moiz ek bann profet ti dir pou arive:

Akt de Zapot 7:10

I ti delivre li dan tou son bann difikilte. Bondye ti fer Zozef ganny faver Faraon, lerwa Lezip, ki ti etabli li koman gouverner Lezip ek son pale.

2 Korentyen 8:16

Nou remersye Bondye ki'n met dan leker Tit sa menm motivasyon anver zot, parey mwan.