Nehemi 11:3 - Labib An Kreol Seselwa

³ La bann sef provens ki ti vin reste Zerizalenm. Dan bann lavil Zida, sakenn ti viv lo son propriyete, dan son lavil: Izrael, bann pret, bann levit, bann serviter tanp, fanmir bann serviter Salomon.

Nehemi 11:3 ပူးပေါင်းရင်းမြစ်များ

Esdras 2:1

La bann dimoun ki ti sorti dan bann provens ki Naboukodonozor, lerwa Babilonn, ti anmenn annegzil Babilonn e ki ti retourn Zerizalenm ek Zida, sakenn dan son prop lavil.

Esdras 2:43

Bann serviter tanp: Bann garson Siha, bann garson Asoufa, bann garson Tabaot,

Esdras 2:70

Bann pret, bann levit ek serten lezot dimoun ordiner tel ki bann santer, bann portye ek bann serviter tanp ti reste Zerizalenm e dan bann lavil dan zalantour; bann Izraelit ti osi reste dan zot lavil.

Nehemi 11:20

Leres bann Izraelit, bann pret, bann levit, ti ganny etabli dan tou bann lavil Zida, sakenn dan son propriyete.

Nehemi 11:4

Bann desandan Zida ek bann desandan Benzamen ki ti vin enstal zot dan Zerizalenm. Parmi bann desandan Zida: Ataya, garson Ozyas, garson Zakari, garson Amaria, garson Sefatya, garson Mahalaleel, bann garson Peres;

Nehemi 7:39

Parmi bann pret: Bann desandan Yedaya dan lafanmir Zozye: 973;

Nehemi 7:43

Parmi bann levit: 74 zonm sorti dan klan Zozye, Kadmyel ek Hodva.

Nehemi 7:46

Parmi bann serviter tanp: Bann zonm ki sorti dan sa bann fanmir: Siha, Hasoufa, Tabaot,

Nehemi 7:6

La bann dimoun sorti dan bann provens ki ti monte sorti annegzil, bann ki Naboukodonozor, lerwa Babilonn, ti'n deporte, e ki ti'n retourn Zerizalenm e dan Zida, sakenn dan son lavil.

Nehemi 7:7

Zot ti retourn ansanm avek Zorobabel, Zozye, Nehemi, Azarya, Raamya, Nahamani, Mardose, Bilsann, Misperet, Bigvai, Nehoum ek Baana. La lalis bann zonm parmi pep Izrael dan sak group:

Nehemi 7:73

Alor, bann pret, bann levit, bann portye, bann santer, ek serten parmi lepep, bann serviter tanp ek pep Izrael antye ti enstal zot dan zot lavil. Ler setyenm mwan ti arive, pep Izrael ti pe reste dan zot lavil.