Nahoum 3:7 - Labib An Kreol Seselwa

⁷ Tou sa ki pou war ou pou taye. Zot pou dir: Lavil Niniv in ganny detri; lekel ki pou pler lo li? Kote mon pou rod rekonfor pour ou?

Nahoum 3:7 ပူးပေါင်းရင်းမြစ်များ

Ezai 51:19

Sa de maler ki'n ariv ou lekel ki pou senpatiz avek ou? Devastasyon ek destriksyon lafanmin ek lager, lekel ki pou konsol ou?

Zeremi 15:5

Lekel ki pou pran pitye pour ou, Zerizalenm? Lekel ki pou sagren pour ou? Lekel ki pou deranz li pour vin pran ou nouvel?

Zeremi 50:18

Alor, la sa ki SENYER liniver, Bondye Izrael i deklare: Mon pou pini Naboukodonozor ki lerwa sa pei, parey mon ti pini lerwa Asiri.

Zeremi 51:9

Nou'n esey swanny Babilonn, me i pa'n kapab ganny geri. Annou abandonn li, annou kit sa pei e retourn kot nou. Son bann zizman in tous lesyel, i'n travers bann nyaz.

Lamantasyon 2:13

Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?

Nahoum 1:1

En mesaz kondannasyon konsernan Niniv. Sa liv i dekri vizyon ki Bondye in donn Nahoum ki sorti dan vilaz Elkos.

Sofoni 2:13

SENYER pou lev son lanmen kont bann zabitan dan Nor e fer disparet Asiri. I pou fer Niniv vin en landrwa devaste, sek parey dezer.

Nonm 16:34

Pep Izrael antye ki ti la, ti sove ler zot ti antann sa bann dimoun kriye. Zot ti dir: Annou sove, avan later i anval nou.

Revelasyon 18:10

Zot pou debout alekar, akoz zot pou per devan bann tourman. Zot pou dir: Maler! En gran maler! Babilonn, gran lavil, lavil pwisan! En erdtan in ase pour ou ganny zize!