Mise 3:2 - Labib An Kreol Seselwa

² Me zot ay sa ki byen e zot kontan sa ki mal. Zot aras lapo lo mon pep, ek laser lo zot lezo.

Mise 3:2 ပူးပေါင်းရင်းမြစ်များ

1 Rwa 21:20

Akab ti dir Eli, “La ou'n trouv mwan, mon lennmi!” Eli ti dir li, “Mon'n trouv ou akoz ou'n kontan fer tou sa ki depler SENYER.

2 Kronik 19:2

Profet Yehou, garson Hanani, ti vin zwenn li. I ti dir lerwa Zozafat, “Eski ou devre port sekour en move dimoun? Eski ou devre kontan en dimoun ki deteste SENYER? Akoz sa, SENYER i ankoler avek ou.

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Psonm 53:4

Eski sa bann malfeter pa realize zot pe devor mon pep kan zot pe manz son dipen e ki zot pa rod Bondye?

Proverb 28:4

Sa enn ki abandonn lalwa, i fer loner bann malfeter; Me sa enn ki obzerv lalwa i konbat kont bann malfeter.

Ezai 3:15

Senyer BONDYE liniver i deklare: Akoz ou kraz mon pep? Akoz ou fer vyolans avek bann pov?

Ezai 5:20

Maler lo zot ki apel sa ki byen, mal e sa ki mal, byen; ki sanz fernwanr pour lalimyer e lalimyer pour fernwanr; ki fer krwar anmer sa ki dou e dou sa ki anmer.

Ezai 57:12

Mon pou fer konnen zot swadizan lazistis e zot bann aksyon. Me sa pa pou dan zot lentere.

Ezekyel 11:7

Alor, la sa ki Senyer BONDYE i deklare: Ou'n fer lavil vin en marmit e bann ki ou'n touye in vin lavyann ladan. Me ou, ou pou ganny sase dan sa lavil.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 24:4

Met bann morso lavyann ladan. Swazir bann zoli morso, kwis ek zepol. Met bann meyer lezo.

Ezekyel 34:3

Zot manz lagres, zot abiy dan lalenn, zot touy mouton pli gra, me zot pa nouri troupo.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Mise 2:8

Me ou dres ou koman lennmi mon pep. Ou vol lenz bann ki pas anpe, bann ki pase sorti lager avek konfyans.

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Levanzil dapre Lik 19:14

Me bann sitwayen ti deteste li. Zot ti anvoy en delegasyon deryer li pour dir: Nou pa oule sa zonm koman nou lerwa.

Levanzil dapre Zan 18:40

Alor, zot ti rekonmans kriye, “Non, pa sa enn, me Barabas.” Barabas ti en bandi.

Levanzil dapre Zan 7:7

Lemonn pa kapab ay zot, me mwan i ay mwan, akoz mon dir sa ki zot fer ki mal.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 12:9

Lanmour i devre senser. Deteste sa ki mal e reste atase avek sa ki byen.

2 Timote 3:3

Zot pou annan leker dir, san pitye, kalonmnye zot prosen, vyolan, kriyel, lennmi tou sa ki byen.