Mark 7:34 - Labib An Kreol Seselwa

³⁴ Apre, Zezi ti lev lizye ver lesyel. I ti pran en gran respirasyon. I ti dir, “Efata!” Savedir: Ouver!

Mark 7:34 ပူးပေါင်းရင်းမြစ်များ

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Mark 1:41

Zezi ti pran pitye pour li. I ti lev son lanmen e tous li. I ti dir, “Mon oule! Ganny pirifye.”

Mark 15:34

Ver 3 er, Zezi ti kriy avek en lavwa for: Eloi, Eloi, lama sabaktani? Savedir: Mon Bondye! Mon Bondye! Akoz ou'n abandonn mwan?

Mark 5:41

Zezi ti pran son lanmen. I ti dir li, “Talita koum.” Savedir: Zenn fiy, mon dir ou, leve!

Mark 6:41

Apre sa, Zezi ti pran sa senk dipen ek sa de pwason. I ti lev lizye ver lesyel e remersye Bondye. I ti kas sa senk dipen e i ti donn son bann disip pour distribye avek lafoul. I ti partaz osi sa de pwason avek zot tou.

Mark 7:35

Toudswit, zorey sa zonm ti ouver e son lalang ti delarge. I ti koz dan en fason normal.

Mark 8:12

Zezi ti pran en gran respirasyon. I ti dir, “Akoz sa zenerasyon i demann en siny? Mon dir zot, sa i laverite: Sa zenerasyon pa pou ganny okenn siny.”

Levanzil dapre Lik 18:42

Zezi ti dir li, “Mon oule ki ou war kler. Ou lafwa in geri ou.”

Levanzil dapre Lik 19:41

Kan Zezi ti apros Zerizalenm, i ti get sa lavil e i ti plere.

Levanzil dapre Lik 7:14

I ti aprose e tous serkey. Sa bann dimoun ki ti pe anmenn sa serkey ti arete. Zezi ti dir, “Zennonm, mon ordonn ou, leve!”

Levanzil dapre Zan 11:33

Kan Zezi ti war li plere, e ki bann Zwif osi ki ti avek li, ti pe plere, son leker ti touse e i ti boulverse.

Levanzil dapre Zan 11:35

Zezi ti plere.

Levanzil dapre Zan 11:38

Profondeman boulverse, Zezi, ti al kot tonbo, ki ti en kavo avek en ros plase devan son lantre.

Levanzil dapre Zan 11:41

Alor, zot ti tir sa ros. Zezi ti lev lizye ver lesyel. I ti dir: Papa! Mon dir ou mersi pour ekout mwan.

Levanzil dapre Zan 11:43

Apre ki i ti'n dir sa, i ti kriy for, “Lazar, sorti!”

Levanzil dapre Zan 17:1

Kan Zezi ti'n fini koze, i ti lev lizye ver lesyel. I ti dir: Papa! Ler in arive, glorifye ou Garson pour ki ou Garson i ava glorifye ou.

Akt de Zapot 9:34

Pyer ti dir li, “Ene! Zezi-Kri i geri ou. Leve e aranz ou lili.” Deswit i ti leve.

Akt de Zapot 9:40

Pyer ti fer tou dimoun sorti. I ti azenou e priye. Apre, i ti vir ver sa lekor. I ti dir, “Tabita, Leve!” Sa fanm ti ouver lizye, e kan i ti war Pyer, i ti redres li e asize.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.