Mark 5:7 - Labib An Kreol Seselwa

⁷ I ti kriy avek tou son lafors, “Ki ou pe rode avek mwan, Zezi, Garson Bondye Treo? Mon sipliy ou: Lo non Bondye, pa tourmant mwan.”

Mark 5:7 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

1 Rwa 22:16

Me lerwa ti dir li, “Konbyen fwa mon pou bezwen fer ou fer serman pour dir mwan zis laverite devan SENYER?”

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Matye 16:16

Simon Pyer ti reponn, “Ou menm Mesi, Garson Bondye vivan.”

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

Matye 4:3

Dyab ti vin tant Zezi. I ti dir li, “Si ou Garson Bondye, donn lord ki sa bann ros i vin dipen.”

Matye 8:29

Zot ti konmans kriye, “Ki ou pe rode avek nou, Garson Bondye? Eski ou'n vin isi pour tourmant nou avan ler?”

Mark 1:24

Sa zonm ti kriye, “Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou menm sa zonm Sen anvoye par Bondye.”

Mark 14:61

Me Zezi ti gard silans e i pa ti reponn nanryen. Gran-Pret ti demann li ankor, “Eski ou menm Mesi, Garson Bondye beni?”

Mark 3:11

Kan bann ki ti pe ganny tourmante par bann move lespri ti war Zezi, zot ti tonm devan li e kriye: Ou menm Garson Bondye!

Mark 5:6

Kan i ti war Zezi dan lwen, i ti taye e tonm azenou devan li.

Mark 5:8

Annefe, Zezi ti pe dir li, “Lespri move! Sorti dan sa zonm.”

Levanzil dapre Lik 1:32

I pou gran e i pou ganny apele Garson Bondye Treo. Bondye pou donn li tronn son papa, David.

Levanzil dapre Lik 4:34

“Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou ete: Ou menm sa Zonm Sen ki sorti kot Bondye.”

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Levanzil dapre Lik 8:28

Kan i ti war Zezi, i ti konmans kriye. I ti tonm ater devan li, e i ti kriy byen for, “Zezi, Garson Bondye Treo! Ki ou pe rode avek mwan? Mon sipliy ou, pa tourmant mwan.”

Levanzil dapre Zan 20:31

Me sa bann keksoz ki la in ganny ekri pour ki zot krwar ki Zezi i li menm Mesi, Garson Bondye. Si zot krwar dan li, zot ava ganny lavi par son non.

Akt de Zapot 16:17

I ti konmans swiv Pol ek nou. I ti kriye, “Sa bann zonm, zot bann serviter Bondye Toupwisan! Zot pe anonse ki mannyer fodre fer pour ganny sove.”

Akt de Zapot 19:13

Ti annan detrwa Zwif ki ti pe pas partou pour sas bann move lespri an servan non Senyer Zezi. Zot ti dir avek bann move lespri, “Mon donn ou lord lo non sa Zezi ki Pol i prese: Sorti!”

Akt de Zapot 8:36

Zot ti kontiny zot vwayaz e ariv dan en landrwa kot ti annan delo. Sa zofisye ti dir, “I annan delo la! Kwa ki anpes mwan ganny batize?”

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Ebre 7:1

Sa Melkisedek, ti lerwa Salenm, pret Bondye Treo. I ti al zwenn Abrahanm ki ti sorti lager kont bann lerwa lo ki i ti'n ganny laviktwar e i ti beni li.

Let Zak 2:19

Ou krwar ki i annan en sel Bondye; sa i byen. Me bann demon osi zot krwar e zot tranble.

2 Pyer 2:4

Annefe, Bondye pa ti eparny bann lanz ki ti koupab. I ti zet zot dan labim fernwanr kot zot in ganny ansennen pour zour zizman.

1 Zan 3:8

Sa enn ki kontinyen fer pese i pour dyab, akoz dyab in fer pese depi o konmansman! Rezon akoz Garson Bondye in vini, se pour detri bann travay dyab.

Let Zid 1:6

Mon rapel zot koman serten lanz ki pa ti satisfe avek pouvwar ki zot ti annan, ti abandonn zot prop demer. Alor, Bondye i'n gard zot ansennen pour touzour dan fernwanr, dan fon labim, pour sa gran zour zizman.

Revelasyon 12:12

Lesyel ek tou bann zabitan! Rezoui! Later ek lanmer! Maler lo zot, akoz dyab in desann kot zot avek en gran lakoler; akoz i konnen ki pa reste li bokou letan.