Mark 5:43 - Labib An Kreol Seselwa

⁴³ Zezi ti dir zot avek severite pour pa les personn konn sa. Apre i ti dir zot, “Donn sa pti fiy keksoz pour manze.”

Mark 5:43 ပူးပေါင်းရင်းမြစ်များ

Matye 17:9

Letan zot ti pe desann sorti lo montanny, Zezi ti rekomann zot, “Pa rakont personn sa ki zot in war, ziska ki Fis-de-Lonm i resisite.”

Matye 8:4

Apre, Zezi ti dir li, “Fer atansyon! Pa dir sa avek personn, me al prezant ou devan pret. Apre, al ofer lofrann ki Moiz in ordonnen. Sa i ava prouve ki ou'n geri.”

Matye 9:30

Zot lizye ti ouver. Zezi ti koz avek zot severman, “Atansyon! Pa les personn konn sa.”

Mark 1:43

Apre, Zezi ti remontrans li severman e fer li ale.

Mark 3:12

Me Zezi ti ordonn zot severman pour pa koz lo li.

Mark 5:42

Deswit, sa pti fiy ti leve e konmans marse. I ti annan douz an. Kan zot ti war sa, zot tou ki ti la, ti dan en gran letonnman.

Mark 7:36

Zezi ti ordonn zot pour pa dir personn. Me pli i ti dir zot sa, pli zot ti rakonte.

Mark 9:9

Pandan ki zot ti pe desann sorti lo montanny, Zezi ti ordonn zot pour pa dir personn sa ki zot ti'n war, ziska ki Fis-de-Lonm i resisite.

Levanzil dapre Lik 24:30

Letan Zezi ti pe manz avek zot, i ti pran dipen; i ti remersye Bondye, kas dipen e donn zot.

Levanzil dapre Lik 5:14

Zezi ti ordonn li pour pa rakont sa personn, “Me al fer pret war ou, e ofer sakrifis parey Moiz in ordonnen. Sa i ava laprev ki ou'n geri.”

Levanzil dapre Lik 8:56

Son paran ti etonnen. Zezi ti ordonn zot pour pa rakont personn sa ki ti'n arive.

Levanzil dapre Zan 5:41

Mon pa pe rod konpliman sorti kot zonm.

Akt de Zapot 10:41

non pa avek tou dimoun, me avek nou ki Bondye in swazir davans koman son bann temwen. Nou'n manze e bwar ansanm avek li apre ki Bondye ti'n resisit li.