Malasi 4:3 - Labib An Kreol Seselwa

³ Zot pou kraz bann ki pratik lemal, akoz sa zour ki mon pou pran aksyon, zot pou vin lasann anba plak lipye.

Malasi 4:3 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

2 Samyel 22:39

Mon aplati zot, zot pa kapab leve. Mon met zot anba mon lipye.

2 Samyel 22:43

Mon kraz zot parey lapousyer ki pe anvole dan divan. Mon mars lo zot parey labou lo semen.

Liv Zob 40:12

Avek en sel regar fer pliye sa bann ki vantar; kraz bann malfeter kot zot ete.

Psonm 147:6

SENYER i rekonfort bann malere; i abes bann malfeter.

Psonm 49:14

Parey mouton, zot ganny destinen pour lanmor. Lanmor i zot berze. Zot desann drwat dan latonm. Apre sa, dimoun ki zis, i kraz zot anba lipye; zot perdi zot laform. Lemonn lanmor i vin zot demer.

Psonm 91:13

Ou pou mars lo lyon ek serpan, ou pou kraz bann zenn lyon ek bann viper anba ou lipye.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 26:6

Bann pov, bann ki feb, pou kraz sa lavil anba zot lipye.

Lamantasyon 1:15

SENYER in rezet tou bann vayan gerye ki ti pe defann mwan. I'n anvoy en larme pour detri mwan. I'n detri tou mon bann zennzan. Parey rezen i ganny kraze pour fer diven, SENYER in kraz Zida, sa zoli zenn fiy.

Ezekyel 28:18

Ou'n fer bokou ditor, par ou bann magouy dan komers. Ou'n sali ou bann landrwa sakre. Aprezan, mon pou fer sorti en dife avek ou ki pou bril ou. Mon pou fer ou vin en ta lasann devan tou sa ki get ou lo later.

Danyel 7:18

Me bann sen ki devan Bondye Toupwisan pou resevwar sa rwayonm e zot pou posed rwayote pour touzour e touzour.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

Malasi 3:17

Sa zour ki mon'n prepare pour azir, mon pou fer zot vin mon trezor, mon pep spesyal, SENYER liniver ti deklare. Mon pou montre mon bonte anver zot, parey bann paran ki kontan zot zanfan ki obeisan.

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 14:20

Rezen ti ganny kraze dan preswar anba lipye, an deor lavil. Disan ki ti koule sorti dan preswar ti mont ziska oter labous bann seval, lo en distans 300 kilomet.