Malasi 3:3 - Labib An Kreol Seselwa

³ Parey kan en fonder metal i asiz pour li fonn e pirifye lor ek larzan, SENYER pou pirifye bann desandans Levi. Alor, zot ava kapab ofer lofrann dapre lareg ki'n ganny etabli.

Malasi 3:3 ပူးပေါင်းရင်းမြစ်များ

Psonm 116:17

Mon pou ofer en sakrifis remersiman e envok non SENYER.

Psonm 4:5

Ofer bann sakrifis ki byen; met ou konfyans dan SENYER.

Psonm 4:6

Bokou pe dir: Lekel ki pou montre nou sa ki byen? SENYER! Fer leve lalimyer ou lafas lo nou.

Psonm 50:14

Ofer Bondye en sakrifis remersiman e gard tou ou bann promes ki ou'n fer anver Bondye Treo.

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Psonm 51:19

Alor ou ava aksepte bann sakrifis ki ou demande, bann lofrann ek bann sakrifis konplet. Alor, nou ava kapab ofer bann toro lo ou lotel.

Psonm 66:10

Mon Bondye! Ou'n teste nou. Ou'n pirifye nou parey larzan i ganny pirifye.

Proverb 17:3

Dife i teste lor ek larzan; me SENYER i sond leker.

Proverb 25:4

Tir verdigri lo larzan, e lorfev ava fer li vin en lobze presye.

Ezai 1:25

Mon pou vir kont ou. Mon pou pirifye ou dan dife, mon pou tir tou ou bann lenpirte.

Ezai 48:10

Gete! Mon'n pirifye ou dan dife, pa parey larzan i ganny pirifye, me mon'n fer ou pas dan dife lafliksyon.

Ezai 61:6

Zot zanfan pou ganny apele: Pret pour SENYER. Zot pou ganny nonmen: Serviter nou Bondye; zot pou benefisye lo fortin bann nasyon e zot pou profit lo zot larises.

Zeremi 9:7

Pour sa rezon, SENYER liniver i deklare: Mon pou pirifye mon pep parey ou pirifye metal dan dife; mon pou teste li. Ki mon kapab fer ankor avek mon pep?

Ezekyel 20:38

Mon pou tir parmi zot, bann ki rebel e ki dezobei mwan; mon pou tir zot dan pei kot zot reste, me zot pa pou antre dan pei Izrael. Konmsa, zot ava konnen ki mwan menm SENYER.

Danyel 11:35

Parmi bann ki annan disernman, i annan ki pou tonbe, pour ki zot ganny netwaye, pirifye e lave ziska letan lafen, akoz sa pou ariv dan en letan ki'n ganny fikse.

Danyel 12:10

Bokou pou ganny pirifye, lave e netwaye; me bann malfeter pou kontinyen persiste dan sa ki mal. Okenn bann malfeter pa pou konpran, me sa enn ki annan disernman ava konpran.

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Nonm 8:6

Pran bann levit parmi kominote Izrael e pirifye zot.

Levanzil dapre Lik 3:16

Alor, Zan ti reponn zot tou, “Mwan, mon batiz zot avek delo, me sa enn ki pe vini, i pli for ki mwan, e mon pa diny pour delarg lase son sandal. Li, i pou batiz zot avek Lespri Sen ek dife.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.

Filipyen 4:18

Mon sertifye donk, ki mon ti ganny tou sa ki zot ti anvoy mwan; e sa ti plis ki sifizan. Aprezan ki Epafrodit in anmenn mwan zot bann kado, mon annan tou sa ki neseser. Sa bann kado i koman en sakrifis ki Bondye i aksepte e ki fer li plezir.

2 Timote 4:6

Kanta mwan, ler in arive pour mwan ganny ofer an sakrifis; ler mon depar in arive.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 12:10

Nou bann zanset ti koriz nou pour en pti pe letan, dapre mannyer ki zot ti war bon. Me Bondye, i koriz nou pour nou prop byen, pour ki nou partisip dan son sentete.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 1:6

I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.